Хүүхдийн төлөө үндэсний зөвлөлийн 2018 оны 12 дугаар сарын 03-ны өдрийн 03 дугаар тогтоолын хэрэгжилтийг ханган, байгууллагын ажилчдын хүүхдүүдийг эрсдэлт нөхцөлд өртөхөөс урьдчилан сэргийлэх зорилгоор Булган сумын "Засаг даргын тамгын газар" өөрийн нөөц боломждоо тулгуурлан "Хүүхдийн өрөө"-тэй боллоо.

онгол Улсын Үндсэн хуулийн өдрийг тохиолдуулан Улсын Их Хурлын даргын ивээл дор зохион байгуулдаг "Сумын аварга" шалгаруулах тэмцээнийг Шатар сонирхогчдын дунд 2024 оны 11 дүгээр сарын 24-ны өдөр зохион явуулж дууслаа. Шартын тэмцээнд эрэгтэй 8, эмэгтэй 3 тамирчин оролцож дараах амжилтыг гаргалаа.

НУТГИЙН ХИШИГ" хөтөлбөрийн нэг том зорилт болох "НУТГИЙН ЗАМ" төсөл амжилттай хэрэгжсээр байна. 2024 оны төсөвт тусгагдсан Булган сумын төв суурингийн 2,8 км авто замын ажил болон Даланзадгад - Булган-Мандаловоо чиглэлийн авто замын эхлэл 10км авто зам бүрэн дуусаж үүрэг даалгаврын биелэлтээр байнгын ашиглалтад Улсын комисс хүлээж авснаар бүрэн ашиглалтанд орлоо. Булган нутгийн ард түмний аялал жуулчлалын хөгжлийг дагуулах том хөрөнгө оруулалт билээ.

Булган сумын ИТХ-ын анхдугаар хуралдаан 1. Аймаг, нийслэл, сум дүүргийн ИТХ-ын 2024 оны ээлжит сонгуульд нэр дэвшин хамгийн олон санал авч Хурлын Төлөөлөгчөөр сонгогдсон 15 төлөөлөгчийн бүрэн эрхийг хүлээн зөвшөөрлөө. 2. хурлын даргыг чөлөөлөх, сонгох асуудлыг хэлэлцэн хуралд оролцсон төлөөлөгчдийн 57 хувийн саналаар Булган сумын ИТХ-ын даргаар Батсүрэнгийн Дамдинсүрэнг сонголоо. 3. Хуралд оролцсон Төлөөлөгчдийн 60 хувийн саналаар сумын Засаг даргад Баярсайханы Төртогтохыг сонгон аймгийн Засаг даргад уламжлахаар боллоо. 4. Хурлын зөвлөлд ИТХ-ын дарга Б.Дамдинсүрэнгээр ахлуулан А.Буяндэлгэр, С.Батжаргал, С.Мөнхсайхан, Э.Энхболд нарын 5 төлөөлөгчийн бүрэлдэхүүнтэй байгууллаа

аланзадгад-Булган-Мандал-Овоо чиглэлийн авто замын ажил 2024 оны 9-р сарын 16-ны байдлаар үргэлжилж байна. Энэхүү зам нь Өмнөговь аймгийн төвийг сумдтай холбох чухал замуудын нэг бөгөөд тоосжилтыг бууруулах, тээврийн аюулгүй байдлыг сайжруулах ач холбогдолтой юм. Булган сум нь Даланзадгадаас 98 км зайд, Мандал-Овоогоос 116 км зайд оршдог тул замын дэд бүтцийг сайжруулах ажил орон нутгийн амьдралд ихээхэн ач холбогдолтой байна.

Сумын төвийн оршин суугчдын тав тухыг хангах, сумандаа сайхан амьдрах боломж нөхцөлийг бүрдүүлэх, агаарын бохирдлыг бууруулах чиглэлээр "Нутгийн хишиг" хөтөлбөрийн хүрээнд олон ажлууд хийгдэж байгаагийн нэг нь сумдад баригдан ашиглалтад орж буй #Хагас автомат уурын зуухнууд юм. Ингэснээр дулааны эх үүсвэрээр найдвартай хангагдаж, технологийн хувьд хөгжил дэвшилд хүрч, хөдөө орон нутгийн амьдралын чанар сайжирна. Тус ажлыг "Шүтээн-Эрдэнэ" ХХК хийж гүйцэтгэлээ.

Сумын ИТХ-ын ээлжит 16 дугаар хуралдаан 2024.04.29-ны өдөр хуралдаж 6 асуудлыг хэлэлцэн шийдвэрлэлээ.

2024 оныг #Хүүхдийн_хөгжил_хамгааллын_жил болгон зарласантай холбоотойгоор #Булган_сум “Булган эко фестиваль” нээлтийн арга хэмжээг нүүдэлчин монголчуудын түүх соёлыг таниулсан, үр хойч, залуу үедээ өвлүүлэн сурталчилсан өвөрмөц хэлбэрээр зохион байгууллаа. Нээлтийн үеэр: 📍Гэрийн эзэгтэй өглөө эртлэн босч, цайгаа чанаж, уул ус, хангай дэлхийдээ дээжээ өргөж, өрхийн тэргүүндээ дээжээ барьж 📍Тэмээн жин, тэмээн соёл, тэмээн нүүдлийг харуулж 📍морин тэрэг, морин хөсгийг сурталчилж 📍Бөхийн бэлтгэл, үе үеийн бөхийн түүхийг таниулж 📍Эмнэг сургах, хос морьтнуудыг алдаршуулсан сонирхолтой үзүүлбэрээр дүүрэн байлаа. Мөн #Нүүдэлчин_монголчуудын монголын нэг өдрийг таниулсан өв соёлын өртөөнүүд ажиллалаа. Үүнд: ✨Ноос савах ✨Эсгий хийх ✨Сур элдэх ✨Сээр цохих ✨Арьс элдэх ✨Сур харвах ✨Чулуун тоглоом тоглох ✨Дэмбээдэх ✨Шинэ дээл мялаах ✨Шагайн наадгай тоглох ✨Ээрүүл ээрэх ✨Тэмээний ноос томох зэрэг өртөө байв. Өртөө бүрт хүүхдүүд оролцож, өв соёл, түүх, ёс уламжлалтайгаа танилцаж суралцан байгаа нь бахархалтай байлаа. Тус сумын нээлтийн арга хэмжээнд оролцож сумын Хамтарсан багт 1 сая төгрөгийн дэмжлэг бүхий “Батламж”, 5 хүүхдийг “Буянт хотхон” хүүхдийн зусланд амрах эрхийн бичгийг гардуулж, тоглоом, картын өртөөг ажиллууллаа. Мөн хурдан дааганы 🐎 уралдаанд унаач хүүхдийн аюулгүй байдлыг ханган ажилласан. Жилийн ажлын нээлтийн арга хэмжээг өвөрмөц хэлбэрээр зохион байгуулсан сумын удирдлагууд, Ерөнхий боловсролын сургуулийн хамт олонд ТАЛАРХАЛ илэрхийлье.

Булганчууд бид “БҮХ НИЙТЭЭР МОД ТАРИХ ҮНДЭСНИЙ ӨДӨР”-ИЙГ ӨРГӨН ХҮРЭЭНД ЗОХИОН БАЙГУУЛЛАА. 🪴Хаврын мод тарих үйл ажиллагааг 5 сарын 14 нд 5га талбайд зохион байгууллаа. Бүх нийтээр мод тарих өдөрт төрийн болон төсөвт аж ахуйн нэгж байгууллагын албан хаагчид, иргэд оролцож 3000 гаруй 🌳мод тарьлаа. 👏👏👏

Булган сумын Баянзаг дахь бэлэг, дурсгал худалдааны цэгт нутгийн иргэд өөрсдөө хийж борлуулдаг тэмээнүүд нь жилээс жилд өнгө төрх, чанар үзэмжээ сайжруулж маш өвөрмөц, царайлаг, зөөлөн, хэвтээ босоо, үслэг гэх мэт олон төрлөөр борлуулагдаж байна. ✅️ Орон нутагт, тэр дундаа нутгийн иргэдийн орлогыг дэмжсэн худалдан авалт хийж, тухайн газраас өөртөө дурсгал-дурсамж авч үлдэх нь аялагч, жуулчдад зөв аялж буй нэг хэлбэр билээ.

#Талархал Булган сумын ИТХ, ЗДТГазар, Улаан загалмайн анхан шатны хорооноос Малчдадаа туслах аянд Булган сумын иргэн #Б.Түвшинбат #ЗДТГ-ын Нийгмийн бодлогын мэргэжилтэн #П.Нямсүрэнгийн гэр бүлээс хандивт нэгдлээ. Сайн үйлс бүхэн дэлгэрэх болтугай. Таны цаашдын ажил амьдрал, Гэр бүлд нь Хамгийн сайн сайхан бүхнийг хүсэн ерөөе.

Орон нутгийн иргэдийн эрүүл мэндийг дэмжиж хөдөлгөөний хомсдолоос урьдчилан сэргийлэх, чөлөөт цагийг эрүүл агаарт идэвхтэй өнгөрүүлэх, залуу хойч үеийн өвлийн спортоор хичээллүүлэх уламжлалыг өвлүүлэн үлдээх , сум байгууллагын хамтын ажиллагаа , уялдаа холбоог идэвхжүүлэн нэгдэх зорилго бүх нийтийн арга хэмжээнд байгууллага хамт олноороо, гэр бүл, найз нөхдөөрөө оролцлоо.

Булган сумын иргэдийн Төлөөлөгчдийн Хурлын төлөөлөгчид, сумын Засаг дарга, багийн Засаг дарга, Сумын Засаг даргын орлогч, Хурлын нарийн бичгийн дарга зэрэг нийт 24 албан тушаалтан хуульд заасан хугацаанд буюу 2024 оны 02 дугаар сарыэн 15-ний дотор 2023 оны Хувийн ашиг сонирхолын болон хөрөнгө орлогын мэдүүлгээ мэдүүлнэ. ИТХ-ын эрх бүхий албан тушаалтан ХАСХОМ өгөх албан тушаалтны нэрсийн жагсаалтыг дээд шатны эрх бүхий албан тушаалтанд 2024.01.02 өдөр хүргүүлээ.

Төрийн албан хаагч, ард иргэдэд зориулсан "Боловсролын судалгаа, арга зүйн чадвар" төвийн захирал Ч.Чулуунцэцэгийн "Эерэг хандлага, аз жаргалтай амьдрал" сургалтыг зохион байгууллаа.

2023-2024 оны сумын Өвөлжилтийн бэлтгэл ажил хангагдаж байна.

5-р цэцэрлэгийн Ө.Алтанзул, Б.Гантулга багштай бэлтгэл бүлгийн хүүхдүүдээ #зөөврийн_номын_сангийн үйлчилгээ хүргэн ажиллаа. 📖📚💕 Хүүхэд багачууддаа уншлагын танхимын шинэ үлгэрийн номнуудаа танилцуулж, хормогчин театрын үлгэрийг хамтдаа ярилцлаа.

Баруун бүсийн төрийн албан хаагчидын уулзалт зөвөлгөөн 2023 оны 10 дугаар сарын 07-09-ны өдрүүдэд Булган суманд амжилттай зохион байгуулагдаж өндөрлөлөө. Тус сургалт зөвөлгөөний үеэр Аймгийн Засаг даргын орлогч Ц.Дэнээдорж, Төрийн захиргаа удирдлагын хэлтэсийн дарга Т.Дөлбаяр, Төрийн захиргаа удирдлагын хэлтэсийн ахлах мэргэжилтэн Б.Мэндбаяр, Төрийн албаны салбар зөвлөлийн нарийн бичгийн дарга С.Баярнасан, Хөдөлмөр, халамж үйлчилгээний хэлтэсийн дарга Б.Должинсүрэн, МУЕрөнхийлөгч асан Х.Баттулгын орон тооны зөвлөхөөр ажиллаж байсан Ч.Чулуунцэцэг нар тус зөвөлгөөнд сургалт болон цаг үеийн мэдээллийг хийж оролцлоо. Тус арга хэмжээний төрийн албан хаагчид урлагийн төрлөөр өрсөлдөж аваргуудаа тодорууллаа. Гоцлол дууны Эрэгтэй төрөлд 1-р байранд Сэврэй сумын ЗДТГ-ын Жолооч Ө.Буянсайхан 2-р байранд Баяндалай суманд ЗДТГ-ын Архив, бичиг хэргийн эрхлэгч Т.Цэрэнпунцаг 3-р байранд Мандал -Овоо сумын Засаг даргын орлогч А.Хашбат Гоцлол дууны Эмэгтэй төрөлд 1-р байранд Сэврэй сумын ЗДТГ-ын Үйлчлэгч Тунгалагтуяа 2-р байранд Баяндалай сумын Төхөм багийн Засаг дарга Мөнх-Ургамал 3-р байранд Мандал-Овоо сумын ЗДТГ-ын Тамгын дарга Д.Адилбиш Дуэт дууны төрөлд 1-р байранд Гурван тэс сумын Засаг даргын орлогч Эрдэнэбаатар, Нярав Амгаланзаяа 2-р байранд Баяндалай сумын Архив, бичиг хэргийн эрхлэгч Т.Цэрэнпунцаг, Төхөм багийн Засаг дарга Мөнх-Ургамал 3-р байранд Булган сумын Засаг даргын орлогч Х.Алтанцэцэг Дэн багийн Засаг дарга Т.Уламцэнгэл Хамтлаг бүжгийн төрөлд 1-р байранд Баяндалай сум 2-р байранд Гурван тэс сум 3-р байранд Булган сум тус тус эзэллээ.

"Алтан намар-ургацын баяр-2023" үйл ажиллагаа 2023 оны есдүгээр сарын 17-ны өдөр Өмнөговь аймгийн Булган суманд зохион байгууллаа. Тус баярыг Булган сумын газар тариалан эрхлэгчид, иргэд хөдөлмөрчдийн дунд жил бүр уламжлал болгон хийдэг. ✅"Алтан намар-ургацын баярын үеэр ерөнхий боловсролын сурагчдын дунд “Байгалийн өгөөж” үйл ажиллагааг зохион байгуулж, ангиуд тарьсан ногоогоороо хүнсний бүтээгдэхүүн хийж өрсөлдсөн бол ногоочдын дунд волейболын тэмцээн, хүнсний бүх төрлийн ногоонуудаас хамгийн том шилдгийг тодруулах, даршилсан өргөст хэмх, саладны амт чанарыг тодруулах, автомашинаа ногоогоор чимэглэх зэрэг сонирхолтой уралдааныг зохион явуулж шилдгүүдээ шалгаруулжээ. ✅Хамгийн том тарвас 12,6 кг байсан бол амтат гуа 5,8 кг, лууван 680 гр, улаан лооль 245гр, төмс 460 гр, чинжүү 320 гр, манжин 1,205 кг, сонгино 365 граммтай байжээ.

Өмнөговь аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Өмнөговь аймгийн Шүүхийн Тамгын газартай хамтран Гэмт хэрэг зөрчлөөс урьдчилан сэргийлэх сургалт арга хэмжээг 2023 оны 06 сарын 28-ны өдөр нутгийн удирдлагын ордны "Иргэний танхим"-д зохион байгуулагдлаа. сургалт арга хэмжээнд оролцсон төрийн албан хаагчид, иргэд, малчдадаа баярлалаа.

Говь нутгийн байгалийн үзэсгэлэн бүрдсэн Баянзаг, Төгрөгийн ширээ, Хадатын рашаан, Булгатай Хавцгайтын хадны зураг, чулуун зэвсгийн үеийн орд газруудтай Булган суманд “Соёлын сэргэлт”-2023 аян амжилттай зохион байгуулагдлаа. Нээлтийн ажиллагааг Булган сумын ИТХ-ын дарга И.Итгэл, Монголын Үндэсний музейн Куратор, арга зүйч М.Мөнгөнцэцэг нар аяны зорилтыг танилцуулж, мэндчилгээ дэвшүүлж эхлүүллээ.