Өмнөговь аймгийн Булган сумын "Алтан намар - Ургацын баяр 2024" амжилттай зохион байгуулагдаж, олон сонирхолтой үйл явдлаар дүүрэн боллоо. Арга хэмжээг сумын жуулчны баазуудын ивээн тэтгэлэгтэйгээр өргөн цар хүрээтэй зохион байгуулж, сумын иргэд болон зочид гийчид өргөнөөр оролцлоо. Энэ удаагийн баярт нийт 11 төрлийн ургацын уралдаан явагдаж, шилдгүүдийг шалгаруулсан нь олны анхаарлыг татав. Мөн хамгийн шилдэг машин чимэглэл, гар бөмбөгийн тэмцээн, даршилсан ногооны төрөл бүрийн тэмцээнүүд онцлох үйл явдал байлаа. Түүнчлэн, ерөнхий боловсролын сургуулийн сурагчдын дунд зохион байгуулсан "Байгалийн хишиг" Local Brand Event нь 10 номинацид шилдгүүдийг тодруулж, хамгийн бүтээлч анги шалгарсан нь хүүхдүүдийн идэвхтэй оролцоог нэмэгдүүлсэн юм. Арга хэмжээний хүндэт зочид болох дуучин Г. Даваадалай, Ө. Бохьшарга нар ая дуугаа өргөн оролцсоноор ургацын баярыг улам баялаг болгож, хүмүүст сэтгэл догдлом мөчүүдийг бэлэглэлээ. Энэ жилийн "Алтан намар - Ургацын баяр 2024" Булган сумын түүхэнд дурсагдахуйц, амжилттай болсон арга хэмжээ болж өнгөрлөө.

2024 оныг #Хүүхдийн_хөгжил_хамгааллын_жил болгон зарласантай холбоотойгоор #Булган_сум “Булган эко фестиваль” нээлтийн арга хэмжээг нүүдэлчин монголчуудын түүх соёлыг таниулсан, үр хойч, залуу үедээ өвлүүлэн сурталчилсан өвөрмөц хэлбэрээр зохион байгууллаа. Нээлтийн үеэр: 📍Гэрийн эзэгтэй өглөө эртлэн босч, цайгаа чанаж, уул ус, хангай дэлхийдээ дээжээ өргөж, өрхийн тэргүүндээ дээжээ барьж 📍Тэмээн жин, тэмээн соёл, тэмээн нүүдлийг харуулж 📍морин тэрэг, морин хөсгийг сурталчилж 📍Бөхийн бэлтгэл, үе үеийн бөхийн түүхийг таниулж 📍Эмнэг сургах, хос морьтнуудыг алдаршуулсан сонирхолтой үзүүлбэрээр дүүрэн байлаа. Мөн #Нүүдэлчин_монголчуудын монголын нэг өдрийг таниулсан өв соёлын өртөөнүүд ажиллалаа. Үүнд: ✨Ноос савах ✨Эсгий хийх ✨Сур элдэх ✨Сээр цохих ✨Арьс элдэх ✨Сур харвах ✨Чулуун тоглоом тоглох ✨Дэмбээдэх ✨Шинэ дээл мялаах ✨Шагайн наадгай тоглох ✨Ээрүүл ээрэх ✨Тэмээний ноос томох зэрэг өртөө байв. Өртөө бүрт хүүхдүүд оролцож, өв соёл, түүх, ёс уламжлалтайгаа танилцаж суралцан байгаа нь бахархалтай байлаа. Тус сумын нээлтийн арга хэмжээнд оролцож сумын Хамтарсан багт 1 сая төгрөгийн дэмжлэг бүхий “Батламж”, 5 хүүхдийг “Буянт хотхон” хүүхдийн зусланд амрах эрхийн бичгийг гардуулж, тоглоом, картын өртөөг ажиллууллаа. Мөн хурдан дааганы 🐎 уралдаанд унаач хүүхдийн аюулгүй байдлыг ханган ажилласан. Жилийн ажлын нээлтийн арга хэмжээг өвөрмөц хэлбэрээр зохион байгуулсан сумын удирдлагууд, Ерөнхий боловсролын сургуулийн хамт олонд ТАЛАРХАЛ илэрхийлье.

“ХАРИУЦЛАГАТАЙ ГАЗРЫН ХАРИЛЦАА” АЯНЫ ТӨЛӨВЛӨГӨӨНИЙ ДАГУУ БУЛГАН СУМЫН ИРГЭДЭД САЛБАРЫН ХУУЛЬ ТОГТООМЖИЙГ СУРТАЛЧЛАХ УУЛЗАЛТ ЗОХИОН БАЙГУУЛАВ. Газар зохион байгуулалт, геодези, зураг зүйн ерөнхий газраас “Хариуцлагатай газрын харилцаа” аяны хүрээнд Өмнөговь аймгийн Булган сум Засаг Дарга, ИТХ-ын төлөөлөгч нарын бүрэлдэхүүнтэй ажлын хэсэг Дал багийн нутаг дэвсгэрт олгогдсон Аялал жуулчлалын бааз гэр кемп болон Багийн иргэдтэй уулзаж санал бодол сонсож цаашид хийж хэрэгжүүлэх ажил баазын газрыг цэгцтэй байлгах талаар уулзалт хийлээ.

Өмнөговь аймгийн онцгой байдлын газраас зохион байгуулсан ГАМШГААС ХАМГААЛАХ КОМАНД ШТАБЫН СУРГУУЛЬ ЗОХИОН БАЙГУУЛАГДЛАА. Тус үйл ажиллагааг Хүүхдээ сонсох өдөртэй холбогдуулан Онцгой комисс, мэргэжлийн ангийн бүрэлдэхүүн, сайн дурын хэсгийн бие бүрэлдэхүүний бэлэн байдлыг хэрхэн хангадаг, Команд штаб-ын арга хэмжээ хэрхэн явагддаг талаар ЕБС-ийн 3-8 дугаар ангийн сурагчид, 5-р цэцэрлэгийн бэлтгэл бүлгийн нийт 60 гаруй хүүхдэд танилцууллаа.

Өмнөговь аймгийн Хөдөлмөр халамж үйлчилгээний даргын шийдвэрээр батлагдсан ажлын хэсэг Булган суманд ажиллаа. Тус ажлын хэсэг нь 2023 онд Малжуулах арга хэмжээнд хамрагдах малчдыг сонгон шалгаруулах, Хөдөлмөр эрхлэлт, нийгмийн халамжийн чиглэлээр хэрэгжиж буй төсөл хөтөлбөр, Ногоон ажлын болон Нийтийг хамарсан ажлын явц үр дүнд хяналт хийж зөвлөгөө мэдээлэл өглөө. ХЭҮЗөвлөлөөс баталсан хөтөлбөр төслийн удирдамж, журманд заасан шаардлага хангасан 16 малчин өрх Малжуулах арга хэмжээний сонгон шалгаруулалтанд тэнцэж гэрээгээ байгуулан арга хэмжээнд хамрагдлаа.

Сумын ИТХ-ын ээлжит 13 дугаар хуралдаан 2023 оны 8 дугаар сарын 23-ны өдөр 52,3 хувийн ирцтэй хуралдаж 3 асуудлыг хэлэлцэн шийдвэрлэсэн байна. Үүнд: 2022 оны төсвийн гүйцэтгэл батлах, 2023 оны төсвийн тодотгол батлах, худалдааны төвийн гадна хогийн цэгийн асуудал

Сумын иргэдийн Төлөөлөгчдийн Хурлын ээлжит 12 дугаар хуралдаан 2023 оны 06 дугаар сарын 27-ны өдөр 52,3 хувийн ирцтэйгээр 9 асуудлыг хэлэлцэн шийдвэрлэлээ.

Сумын ИТХ-ын зөвлөлийн дөрөвдүгээр хурлаар - Сумын ИТХ-ын ээлжит хуралдааны тов, хэлэлцэх асуудал -ЗДТГ-ын Нийгмийн ажилтны 2023 оны ажлын тайланг сонсож зөвлөмж чиглэл өгөх тухай

Сумын ИТХ-ын зөвлөлийн хуралдаанаар дараах асуудлыг хэлэлцэн зөвлөмж чиглэл албан бичгээр өгч ажиллаа. 1. Сумын ГХУСАЗСЗ-ийн 2023 оны ажлын тайлан сонсох чиглэл өгөх Асуудал оруулагч: А.Батсуурь 2. Засаг даргын Тамгын газрын Хууль эрх зүйн бодлогын мэргэжилтэний 2023 оны эхний хагас жилийн ажлын тайланг сонсох, зөвлөмж чиглэл өгөх Асуудал оруулагч: Н.Цэцэгсүрэн 3. Хүнс, хөдөө аж ахуй, жижиг дунд үйлдвэрлэл хариуцсан мэргэжилтэний 2023 оны ажлын мэдээлэл сонсох, зөвлөлмж чиглэл өгөх Асуудал оруулагч: Б.Цэцэгбаяр

2023 оны 6 дугаар сарын 5,6-ны өдөрүүдэд Хавцгайт, Дэн , Дал багийн ИНХ-ыг тус тус зохион байгуулж ИТХ-ын дарга, Засаг дарга, Малын эмнэлэг хариуцсан мэргэжилтэн, Газрын даамал, Хууль эрх зүйн мэргэжилтэн нар оролцож мэдээлэл хийлээ. мөн ИТХ-ын ажлын алба иргэдэд Хурлын байгууллагын мэдээлэл, ОНХС-ийн талаар тараах материал хийж хүргүүлэв.

Энэхүү зөвлөгөөнд төсвийн бүх шатны захирагч, санхүүгийн ажилтнууд оролцлоо. Аймгийн 2022 оны төсөв, санхүүгийн үйл ажиллагааны үр дүн, цаашдын чиглэл, орон нутгийн төсвийн хөрөнгө оруулалтын төлөвлөлт, гүйцэтгэл, татварын орлогын бүрдүүлэлт, цахим шилжилт, орон нутгийн өмч хөрөнгийн ашиглалт, хамгаалалт, худалдан авах ажиллагааны талаар холбогдох хэлтэс, албадаас оролцогчдод илтгэл, мэдээллийг хүргэлээ. Мөн Аймгийн Төрийн аудитын газар, Санхүү хяналт, аудитын албанаас төсвийн харилцаанд орж байгаа албан тушаалтнуудын төсөв хөрөнгийн зарцуулалтад гаргасан алдаа зөрчлийг дэлгэрэнгүй танилцуулж, цаашид анхааран ажиллах зөвлөмж, мэдээллийг өглөө.

Багийн Засаг дарга нартай ИТХ-ын ажлын алба ЗЗНДНТУТухай хуулийн хэрэгжилтийн талаар танилцуулж мэдээ мэдээлэл солилцож багийн ИНХ-ын тов тогтоов.

Урлагийн наадам 2019 амжилттай боллоо Оролцсон авьяастнууддаа баярлалаа Соёлын өвийн үзэсгэлэнд өөрийн гар дээр байгаа эд зүйлсээр үзэсгэлэн гаргаж иргэдэд танилцууллаа.

Булган сумын EБ сургуулиас Соёлыг дэмжих жилийн хүрээнд зохион байгуулсан ЭКО ФEСТИВАЛ амжилттай сайхан боллоо. Өв уламжлалаа хүүхэд залуучууддаа өвлүүлэн үлдээх, гадаадын жуулчид төлөөлөгчдөд сурталчлан таниулах ач холбогдолтой, сонирхолтой, онцлог нар, бороо хур тэгширсэн сайхан наадам болж өндөрлөв. Наадмын талбайд Монголын Динозавр Судлалын Хүрээлэнгийн Динозаврын Нүүдлийн Музeй наадамчин олонд үнэ төлбөргүй үйлчилж, Палeонтологийн ШУ, олдворын талаар танин мэдэхүйн мэдлэг мэдээллийг өгч ажиллаа.

Аймгийн Засаг даргын 2016-2020 оны үйл ажиллагааны хөтөлбөрийг хэрэгжүүлэх, иргэдийн эрүүл аж төрөх ёсыг хэвшүүлэх, нийтийн биеийн тамираар хичээллүүлж эрүүл мэндийг бэхжүүлэх, хөдөлгөөний дутагдлаас сэргийлэх зорилгоор "Зорилготой ирээдүй-Залхүүгүй өглөө" өглөөний гүйлт, гимнастик хийх ажлыг эхлүүлж байна.