Шинээр сонгогдсон төлөөлөгчдөд 1. Сумын Хурлын бүрэн эрх, хуралдаанд асуудал оруулах, хуралдааны шийдвэр, шийдвэрийг хэрэгжүүлэх, шийдвэрт хориг тавих / ЗЗНДНТУТХууль 33,35,46,47, 48, 49, 50, 77 дугаар зүйл/ 2. Төлөөлөгчийн бүрэн эрх, үйл ажиллагааны баталгаа /ЗЗНДНТУТХууль 38,39,44-р зүйл / 3. Төлөөлөгчийн үйл ажиллагааны зардал 4. Төлөөлөгчийн үйл ажиллагаанд хориглох зүйл, хариуцлага, Төлөөлөгчийн ёс зүйн дүрэм /ЗЗНДНТУТХууль 40,43-р зүйл/ 5. ИТХ-ын хороодын үйл ажиллагаа /ЗЗНДНТУТХууль 45-р зүйл/ 6. ИТХ-ын зөвлөлийн үйл ажиллагаа /ЗЗНДНТУТХууль 51-р зүйл/ 7. Хурлын даргын бүрэн эрх, ИТХ-ын ажлын албаны бүтэц, үйл ажиллагаа /ЗЗНДНТУТХууль 52, 54-р зүйл/ 8. Авлига, ашиг сонирхлын зөрчлөөс урьдчилан сэргийлэх ХАСХОМ гаргах зэрэг сэдвээр сургалтыг Хурлын нарийн бичгийн дарга Б.Булгамаа зохион байгууллаа.

Хурлын төлөөлөгч Ц.Буяндэлгэр 2020-2024 оны бүрэн эрхийн хугацааны анхдугаар хуралдааныг даргалж байсан бол 2024-2028 оны бүрэн эрхийн хугацааны анхдугаар хуралдааныг даргалж Төлөөлөгчдийн бүрэн эрхийн асуудал, Хуралдааныг дэг батах, Хурлын даргыг сонгох, чөлөлөх тухай асуудлыг хэлэлцүүлэн батлууллаа.

2024.10.30-ны өдөр Нутгийн өөрөө удирдах байгууллагыг сонгох 9 дэх удаагийн ээлжит сонгуулиар байгуулагдаж буй Номгон сумын ИТХ-ын анхдугаар хуралдаан 95.2 хувийн ирцтэй хуралдаж, Хурлын төлөөлөгчийн бүрэн эрхийг зөвшөөрөх, Хурлын дэгийг шинэчлэн батлах, Хурлын даргыг сонгох, чөлөөлөх, Засаг даргад нэр дэвшүүлэх, Хурлын зөвлөл байгуулах зэрэг асуудлуудыг хэлэлцэн шийдвэрлэлээ.

Монгол Улсын засаг захиргаа нутаг дэвсгэрийн нэгж, түүний удирдлагын тухай хуулийн 46 дугаар зүйлийн 46.5-д заасны дагуу ээлжит сонгуулийн дүнг өргөн мэдүүлсэн өдрөөс хойш 14 хоногийн дотор тухайн шатны сонгуулийн хороо иргэдийн Төлөөлөгчдийн Хурлын анхдугаар хуралдааныг зарлан хуралдуулахаар заасны дагуу анхдугаар хуралдааныг 2024 оны 10 дугаар сарын 30-ны өдрийн 11:00 цагт эхлэн хуралдуулахаар товлон зарлалаа.

Номгон сумын сонгогчдын нэрийн жагсаалтад нийт 1569 сонгогч бүртгэгдсэнээс 1089 сонгогч буюу 69.41 хувь нь саналаа өгсөн байна. Сумын иргэдийн Төлөөлөгчдийн Хуралд Монгол Ардын намаас 21, Ардчилсан намаас 21 нэр дэвшигч 5 тойргийн 21 мандатад нэр дэвшиж сонгуульд оролцсоноос МАН-аас 14, АН-аас 7 нэр дэвшигчийг төлөөлөгчөөр сонгогдсонд тооцож, шийдвэрийг нийтэд мэдээлж байна.

Аймаг, нийслэл, сум, дүүргийн ИТХ-ын сонгууль зохион байгуулахад хамтран ажилласан сонгуулийн хорооны нарийн бичгийн дарга Б.Ууганчулуун болон хорооны гишүүддээ, хэсгийн хорооны дарга, гишүүддээ, МТД, Итгэмжлэгдсэн ажилтан та бүхэндээ баярлалаа. Хариуцлагатай, амаргүй энэ цаг хугацаанд сэтгэл зүрхээ зориулж сонгуулийг амжилттай зохион байгуулсанд талархаж байна. Бүгдэд нь ажлын амжилт, эрүүл энхийг хүсье. Сумын ИТХ-ын ажлын алба

Сумын иргэдийн Төлөөлөгчдийн Хурлын 2020-2024 оны 8 дахь удаагийн сонгуулийн бүрэн эрхийн хугацааны отгон хуралдааныг 2024.09.26-ны өдөр хуралдуулж сумын Хурлын төлөөлөгчиддөө Номгон сум байгуулагдсаны түүхт 100 жилийн ойн медаль, дурсгалын зургийг гардуулан өглөө

Сумын 2024 оны хөгжлийн жилийн төлөвлөгөөнд Хармагтай багийн утасны сүлжээг засварлах, Интернетийн сүлжээний старлинг тоног төхөөрөмжтэй болох гэсэн 2 ажлыг нэмж тусган баталлаа.

МОНГОЛ УЛСЫН ЗАСАГ ЗАХИРГАА, НУТАГ ДЭВСГЭРИЙН НЭГЖ, ТҮҮНИЙ УДИРДЛАГЫН ТУХАЙ" хуулийн шинэчилсэн найруулгаар Номгон сумын иргэдийн Төлөөлөгчдийн Хурал 2024-2028 оны хугацаанд 21 төлөөлөгчтэйгөөр шинэ бүрэн эрх хэрэгжинэ. 2024.09.26-ны өдөр Номгон сумын иргэдийн Төлөөлөгчдийн Хурлын 2024 оны сонгуульд Монгол Ардын намаас 21, Ардчилсан намаас 21, нийт 42 нэр дэвшигч Нэр дэвшигчийн үнэмлэхээ гардан авлаа.

"Хүмүүнлэг үйлс үргэлжилсээр" 2024.05.08. Хүмүүнлэгийн өдрийн арга хэмжээнд Номгон сумын Соёлын төвийн залуучууд нэгдэж МУЗН-ийн сүлд дууг дуулж сонордууллаа. Сум орон нутгийнхөө хөгжил цэцэглэлтэд өөрийн авъяас чадвараа дайчлан манлайлан ажиллаж яваа МУЗН-ийн Хүүхэд залуучуудын хөдөлгөөний гишүүн залуусдаа талархал илэрхийлье.

#Хүмүүнлэг үйлс үргэлжилсээр Жил бүрийн 05 дугаар сарын 08-ны өдрийг Олон улсын Улаан загалмай, Улаан хавирган сар хөдөлгөөний өдөр, Монголын хүмүүнлэгийн өдөр болгон тэмдэглэдэг. Энэ жил тус өдрийг "Keeping Humanity Alive" буюу "Хүмүүнлэг үйлс үргэлжилсээр" уриатайгаар иргэд, олон нийтэд үйл ажиллагаагаа танилцуулж, Улаан загалмайн талаар ойлголтыг нэмэгдүүлэх, хүмүүнлэгийн үйл ажиллагаанд уриалах зорилгоор тэмдэглэж байна

Номгон сумын ИТХ-ын ээлжит 15 дугаар хуралдаан 2024-02-24-ний өдрийн 11:00 цагт хуралдана

Номгон сумын Хурлын төлөөлөгчид, улс төрийн албан тушаалтан нийт 28 хүн 2023 оныхоо хөрөнгө орлогын мэдүүлгийг хуульд заасан хугацаандаа мэдүүлж дууслаа.

Өмнөговь аймгийн аварга малчин өрхөөр Хармагтай багийн малчин Г.Дэлгэрбат, Н.Насанжаргал нарын гэр бүл, Төхөм багийн малчин Т.Уулсанаа, Л.Сугир нарын гэр бүл, Эмгэнбулаг багийн малчин МУЗН-ийн Онцгой гишүүн гэр бүл П.Хатанбаатар, З.Оюундүү нарын гэр бүл шалгарлаа

Тэмцээнд ЗДТГ, ЭМТ, ЕБС, 14-р цэцэрлэг, Зэвсэгт хүчний 104-р тусгай ротоос баг бүрдүүлж нийт 16 багийн 32 албан хаагч оролцлоо.

Авлигын эсрэг хууль 10 дугаар зүйл. Хөрөнгө, орлогын мэдүүлэг гаргах 10.1.Энэ хуулийн 4.1-д заасан этгээд /цаашид "мэдүүлэг гаргагч" гэх/ хөрөнгө, орлогын мэдүүлэг гаргах бөгөөд шаардлагатай тохиолдолд Улсын Их Хурлын Хууль зүйн байнгын хороо Авлигатай тэмцэх газрын саналыг үндэслэн хөрөнгө, орлогын мэдүүлэг гаргах албан тушаалын жагсаалтыг батална. 10.2.Мэдүүлэг гаргагч нь өөрийн болон гэр бүлийн гишүүдийн хөрөнгө, орлого, зээлийг үнэн зөв мэдүүлэх үүрэгтэй. /Энэ хэсгийг 2014 оны 1 дүгээр сарын 24-ний өдрийн хуулиар өөрчлөн найруулсан/ 10.3.Мэдүүлэг гаргагч хөрөнгө, орлогын мэдүүлгээ тухайн албан тушаалд томилогдсон буюу сонгогдсон өдрөөс хойш 30 хоногийн дотор, цаашид тухайн алба хааж байгаа хугацаандаа жил бүрийн 02 дугаар сарын 15-ны дотор шинэчлэн гаргаж энэ хуулийн 11 дүгээр зүйлд заасан байгууллага, албан тушаалтанд өгөх үүрэгтэй. 10.4.Мэдүүлэг гаргагч энэ хуулийн 10.3-т заасан хугацаанд мэдүүлгээ мэдүүлсний дараа хөрөнгө, орлого нь нэг сарын хөдөлмөрийн хөлсний доод хэмжээг хоёр зуун тавь дахин нэмэгдүүлсэнтэй тэнцэх буюу түүнээс дээш хэмжээгээр өөрчлөгдсөн бол түүнийг тухай бүр 30 хоногийн дотор мэдүүлнэ. /Энэ хэсгийг 2014 оны 1 дүгээр сарын 24-ний өдрийн хуулиар өөрчлөн найруулсан/ 10.5.Хөрөнгө, орлогын мэдүүлгийг энэ хуулийн 10.3, 10.4-т заасан хугацаанаас хожимдуулж гаргасан нь хүндэтгэн үзэх шалтгаангүй бол гаргаж өгөөгүйд тооцно. 10.6. Монгол Улсын Ерөнхийлөгчийн болон Монгол Улсын Их Хурлын сонгуульд нэр дэвшигч Авлигатай тэмцэх газарт, бүх шатны иргэдийн Төлөөлөгчдийн Хурлын сонгуульд нэр дэвшигч тухайн аймаг, сум, нийслэл, дүүргийн сонгуулийн хороонд сонгуулийн хуульд заасан хугацаанд тус тус хөрөнгө, орлогын мэдүүлгээ гаргана. /Энэ хэсэгт 2022 оны 4 дүгээр сарын 22-ны өдрийн хуулиар өөрчлөлт оруулсан./ /Энэ хэсэгт 2019 оны 12 дугаар сарын 20-ны өдрийн хуулиар өөрчлөлт оруулсан./ 10.7.Хөрөнгө, орлогын мэдүүлгийн маягт, түүнийг бүртгэх, хадгалах журмыг Улсын Их Хурлын Хууль зүйн байнгын хороо батална. /Энэ зүйлийг 2012 оны 1 дүгээр сарын 19-ний өдрийн хуулиар өөрчлөн найруулсан/

Хүмүүнлэгийн үйлс бүхэн дэлгэрэх болтугай

Номгон сумын ИТХ-ын ээлжит 14 дүгээр хуралдаан 2023.12.06-ний өдөр 90.47 хувийн ирцтэй хуралдаж 9 асуудлыг хэлэлцлээ.