Залуучууд театрын гоцлол бүжигчин Ж.Баяржаргал, Г.Ууганбаатар, М.Жигжидсүрэн нарын хамтарсан “Бүжиглэхүйн хэлхээ” уран бүтээлийн тоглолт Дархан хотын Залуучууд театрын тайзнаа 2017 оны 4 дүгээр сарын 8-ны 18.00 цагт ганцхан удаа тоглогдохоор болжээ. Тоглолтод урилгаар “Монта реп”, “Улаан туг” бүжгийн хамтлаг, “Свей” спорт бүжгийн клуб, “Жи Би Данси” академ, МУСТА дуучин Соронзонболд, дуучин Хонгорзул болон МУСТА бүжигчин Ариунжаргал, Залуучууд театрын бүжигчид, “Шонхоодой” ардын циркийн хамт олон оролцож ажээ. Тоглолтын ерөнхий ивээн тэтгэгчээр “Алтан хүнс” групп, “Чансаа” брэнд, “Гацуурт” групп, МСS, Голомт банк, Скайтел, аймгийн Гэр бүл хүүхэд залуучуудын хөгжлийн газар, “Мон студи”, “Сайн орших” компани, Дархан лавлах 19001540 зэрэг байгууллагууд ажиллаж байгаа гэв. Тус тоглолтын бүжигчид 12 жилийн турш бүжиг гэх уран бүтээлээр амьсгалсан туршлагатай уран бүтээлчид юм байна. Тоглолтын билетийг Залуучууд театрын кассаар болон Дархан лавлах 19001540 утасруу захиалах боломжтой аж.