Эрдэнэсант сумын хэмжээнд тулгамдаж буй чухал асуудлын нэг нь сумын  хур хог юм.  ЗДТГ-аас шат дараатайгаар сумаа “ Хогноос салгах” ажлыг эхлүүлээд байна. 2017 оны 03-р сарын 27-ний өдрийн 10:00 цагаас 13:00 цаг хүртэл төрийн албан хаагчид хэд хэдэн хэсэгт хуваагдан сумын айл өрхүүдээр явж нөхцөл байдалтай танилцан, айл өрх бүрийг ойр орчимыг 50м газрын  хогийг цэвэрлэн  хог тээвэрлэх машинд ачуулах, өрх бүр хашаандаа 3-аас доошгүй жимсний мод тариалах, муу усны нүх хашаандаа ухах, хогны хураамжаа цаг тухайд нь өгөх, хашааны өнгө үзэмжээ сайжруулах зэрэг үүрэг өгч ажиллалаа.

 Сурагчийн амралт эхэлж, мал төллөлт, ямаа самнах ажил эхэлсэн тул зарим айлууд эзгүй байсан боловч гэртээ байсан иргэд орчин тойрноо цэвэрлэн хогоо ачууллаа. Сумын хэмжээнд ахин нэгдсэн цэвэрлэгээ ойрын өдрүүдэд хийхээр төлөвлөөд байна.