17-р жарны "Алтан унжлагат" хэмээх Гал тахиа жилийг угтан Эрдэнэсант сумын малчин Т.Даш " Улсын аврага малчин", Ц.Долгорсүрэн, Д.Эрдэнэчулуун нар Монгол улсын ерөнхийлөгийн 170-р зарлигаар "Хөдөлмөрийн хүндэт медаль", Д.Мягмар "Тэргүүний барилгачин хүндэт тэмдэг", н.Энхжавхлан, Ц.Лхагва Очир нар Монгол улсад барилгын салбар үүсч хөгжсөний 90-н жилийн ойн хүндэт тэмдэг, С.Жамбалсүрэн, С.Ширчмаа нар "Нийтийн ахуйн үйлчилгээний тэргүүний ажилтан" цол тэмдэг гардан авлаа.

Эрдэнэсант сумын малчид ажил хөдөлмөр, мал сүргээрээ аймагтаа манлайлан Д.Батболд, Ц.Хорлоо нар "Аймгийн аврага малчин"  боллоо. Төв аймгийн хэмжээнд "Алтан төлийн эзэн"-ээр Унага, Хурга, Ишгээ мэнд бойжуулсан амжилтаар "Алтан хурганы эзэн" Ж.Ёндон, "Алтан унаганы эзэн" Д.Хүрэлбаатар, "Алтан ишигний эзэн" Т.Мөнхжаргал нар  тодорсон байна. Мөн төр нийгмийн нэрт зүтгэлтэн Ж.Самбуугийн нэрэмжит шагналаар залуу малчин Б.Гантөмөр шагнагдлаа. 

Сумын засаг даргын №20-р захирамжаар сумын "Сайн малчин" "Алтан төл"-ийн эзэн болсон малчид өргөмжлөл энгэрийн тэмдэгээ гардан авлаа.Мөн 2016 оны жилийн эцсийн мал тооллогоор шинээр 1000-аас дээш мал тооллуулсан 18-н мянгат малчидад мянгат малчны үнэмлэх, энгэрийн тэмдэгийг гардууллаа.