Дархан-Уул
аймгийн сумдын алслагдсан багуудын малчдад туслах “1000 төгрөг” аянд төрийн
болон хувийн хэвшлийн ААНБ-ууд нэгдэж, хандив өгсөөр байна. Тухайлбал барьцаалан
зээлдүүлэх үйлчилгээ явуулдаг “Шинэ-Нөр их” ХХК-ийн хамт олон “1000 төгрөг”
аянд нэгдэж, мөнгөн дэмжлэг хандивлалаа.
Мөн Дархан сумын 11 дүгээр багийн
ИНХ-ын дарга болон Тэргүүлэгчид мөнгөн дэмжлэгийг өнөөдөр /2017.02.06/ аймгийн
ИТХ-д хүлээлгэн өгсөн юм.
Аяны хүрээнд цугласан нийт хандив,
эд материалыг 2 дугаар сарын 15-16-ны өдрүүдэд малчдад хүргэх бөгөөд Дархан-Уул аймгийн нийт малчдад бус
харин малын тоо толгой бага, өрх толгойлсон, олон хүүхэдтэй, мал маллагаанд хүн
хүч дутмаг зорилтод бүлэгт хамаарах малчин өрхүүдэд хүргэхээр зорьж байна.
