Монгол Улсад мэргэжлээс шалтгаалах өвчний сувилал дөрөвхөн байдгийн нэг нь Дархан-Уул аймгийн Шарын гол суманд 2003 онд Нийгмийн Даатгалын Үндэсний зөвлөлийн тогтоолоор байгуулагдсан “Тулга” сувилал юм.
Гэвч тус сувилал сүүлийн жилүүдэд аль нэгэн яаманд харьяалалгүй үлдсэнээс болж төсвийн хувьд хүндхэн нөхцөл байдалтай ажиллаж иржээ. Тиймээс аймгийн удирдлагууд сүүлийн дөрвөн жил ЭМЯ, Хөдөлмөр, Нийгмийн Хамгааллын яам, Нийгмийн Даатгалын Үндэсний зөвлөл зэрэг хэд хэдэн газарт харьяалалдаа авахыг удаа дараа хүссэн боловч дээрх байгууллагуудаас уг сувиллыг хуулийн хүрээнд харьяалалдаа авах боломжгүй гэсэн хариуг ирүүлжээ. Иймд холбогдох албаныхан хуулийн хүрээнд менежментийн хувьчлал хийвэл илүү үр дүнтэй хэмээн үзэж аймгийн Засаг даргын зөвлөлийн хурлаар “Тулга” сувиллыг хувьчлах талаар хэлэлцэж менежментийн хувьлалд оруулахаар шийдвэрлэлээ.