Дархан-Уул аймгийн “Дархан орон нутгийн зам, тээвэр” ОНӨААТҮГ нь орон нутгийн төсөвт 54 сая төгрөг төвлөрүүлнэ. Энэ оны нэгдүгээр сарын 2-ноос эхэлж шинэ бүтцээр ажиллах уг газар нь аймгийн ИТХ-ын Тэргүүлэгчдийн хурлын тогтоолоор байгуулагдаж “Дархан орон нутгийн зам, тээвэр” ОНӨААТҮГ нэртэйгээр 2017 оны үйл ажиллагааны төсвийн төсөл, бүтэц орон тооны хувьд Дархан хотын хойд, урд шалган нэвтрүүлэх товчооны 10 ажилтнаас гадна шинээр долоон ажилтны орон тоог нэмж нийт 17 хүний бүрэлдэхүүнтэйгээр ажиллаж эхэлжээ.
Аймгийн Ерөнхий эдийн засагч н.Батсүхийн танилцуулснаар тус байгууллага 2017 онд 281 сая төгрөгийн орлоготойгоор ажиллаж 226 сая төгрөгийг ажилчдын цалин, зам засвар, тэмдэг тэмдэглэгээ, байрны түрээс зэрэгт зарцуулах бол орон нутгийн төсөвт 54 сая төгрөг төвлөрүүлэхээр тооцжээ.
Мөн тус байгууллага нь хот хоорондын болон хот доторх хулгайн тээвэрт хяналт тавьж ажиллах юм байна.