“Төв аймгийн залуус” ТББ-аас санаачлан аймгийн ЗДТГ, Төв аймагт залуучуудын чиглэлээр үйл ажиллагаа явуулдаг байгууллагуудтай хамтран гурван талт чуулга уулзалтыг 12-р сарын 16-ны өдөр амжилттай зохион байгууллаа. Уулзалтын гол зорилго нь төрөөс залуучуудын талаар баримтлах бодлого, мөн тэдэнд нэн тэргүүнд шаардлагатай байгаа зүйлсийг хэрхэн шийдэх талаар шийдлийг олоход оршино. Энэхүү чуулга уулзалтанд Төв аймгийн залуус болон үе үеийн ахмадын төлөөллүүд оролцож, залуучуудын хөгжлийн талаар, хөдөлмөр эрхлэлтийг дэмжих, эрүүл аюулгүй орчинд амьдрах, боловсролыг дэмжих зэрэг асуудлаар хэлэлцүүлэг явуулсан байна.