ТӨВ АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ
ТӨВ АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ
Эрхэм зорилго: Иргэдийн нийтлэг эрх ашгийг дээдэлж, оролцоонд тулгуурлан, аймгийн эдийн засаг, нийгмийн хөгжлийн хэтийн болон богино хугацааны бодлого, хөтөлбөрийг боловсруулан баталж, нутгийн өөрөө удирдах байгууллагыг бэхжүүлэн, олон улсын стандарт нэвтрүүлнэ. Эрхэм зорилго: Иргэдийн нийтлэг эрх ашгийг дээдэлж, оролцоонд тулгуурлан, аймгийн эдийн засаг, нийгмийн хөгжлийн хэтийн болон богино хугацааны бодлого, хөтөлбөрийг боловсруулан баталж, нутгийн өөрөө удирдах байгууллагыг бэхжүүлэн, олон улсын стандарт нэвтрүүлнэ.ИХ ЗОХИОЛЧ, НИЙГМИЙН ЗҮТГЭЛТЭН Д.НАЦАГДОРЖИЙН МЭНДЭЛСНИЙ 110 ЖИЛИЙН ОЙГ ТЭМДЭГЛЭН ӨНГӨРҮҮЛЛЭЭ.
2016-11-21
Их зохиолч, нийгмийн зүтгэлтэн Дашдоржийн Нацагдоржийн мэндэлсний 110 жилийн ойд зориулсан “Олон улсын эрдэм шинжилгээний хурал”-ыг аймгийн төв Зуунмод хотноо БСШУСЯам, ШУА-ын Хэл зохиолын хүрээлэнтэй хамтран 2016 оны 11 дүгээр сарын 17-ны өдөр зохион байгууллаа. Олон улсын эрдэм шинжилгээний хуралд ОХУ, БНХАУ, Япон улсаас болон манай улсын эрдэмтэн судлаачдаас бүрдсэн нийт 28 илтгэгч оролцлоо. Уг арга хэмжээний хүрээнд БСШУС-ын Дэд сайд, Их зохиолч Д.Нацагдоржийн мэндэлсний 110 жилийн ойг тэмдэглэх комиссын дарга Ё.Отгонбаяр, ШУА-ын Ерөнхийлөгч Т.Рэгдэл, ШУА-ын Хэл зохиолын хүрээлэнгийн захирал Л.Болд, Аймгийн Засаг дарга Ж.Батжаргал, Зуунмод сумын ИТХ-ын дарга н.Энхжин, Монгол улсын Ардын жүжигчин, кино найруулагч н.Жигжидсүрэн, МУ-ын СГЗүтгэлтэн, Д.Нацагдоржийн шагналт Ц.Хулан, Төв аймгийн Нутгийн зөвлөлийн дарга Д.Дондог болон Зуунмод сумын иргэдийн төлөөлөлүүд Их зохиолчийнхоо “Миний нутаг” шүлгийн хөшөөнд хүндэтгэл үзүүллээ. Мөн Аймгийн ИТХ-ын 2016 оны 08 дугаарын сарын 04 ний өдрийн 13 тоот тогтоолоор аймгийн Нийтийн номын санг Их зохиолч, нийгмийн зүтгэлтэн Дашдоржийн Нацагдоржийн нэрэмжит болгож, түүний гэгээн дурсгалд зориулсан “Дурсгалын хөшөө”-ний шавыг тавих ёслолын арга хэмжээг зохион байгууллаа. Аймгийн Музейгээс “Олон улсын эрдэм шинжилгээний хурал”-д оролцож буй зочид төлөөлөгч нарт ЗДТГ-ын хурлын их танхимд Д.Нацагдоржийн зохиолоос сэдэвлэсэн “Уран зургийн түр үзэсгэлэнг”, аймгийн Музейн танхимд “Алдартнаараа бахарья” үзэсгэлэнг тус тус гаргаж бэлэг барилаа. Аймгийн Монгол туургатан театрт нь “Монгол туургатны дуулал-II” урлагийн тоглолтоороо өвөл цагийн нээлтээ хийж үзэгч олны хүртээл болгосон байна. Дээрх арга хэмжээнийн үеэр Зуунмод хотноо ШУА-ын Хэл зохиолын хүрээлэнгийн судлаачид болон ажилтнууд оролцож мөн Улаанбаатар хотын ЕБС-иудын монгол хэл уран зохиолын багш нарын төлөөлөл, Аймгийн төвийн ЕБС-иудын монгол хэл, түүх, нийгмийн ухааны багш нар, ахмад үеийн иргэдийн төлөөллүүд тус тус оролцсон байна.