Дархан сумын 7 дугаар багийн Майхантын 1а модны захын дундуурх замаар хүн, машин явахад хүндрэлтэй байсан. Иргэдийн хүсэлтээр эндхийн 0.414 метр замыг 08 дугаар сарын 15-наас эхлэн хатуу хучилттай болгон засварлах ажлыг ОНХС-ийн 197,1 сая төгрөгөөр Булган АЗЗА ТӨХК эхлүүлсэн. Одоогоор ажлын гүйцэтгэл 95 хувьтай явж байна. Хөдөлгөөний эрчим ихтэй зам учраас албаныхан асуудлыг тал талаас нь авч үзээд иргэдийн аюулгүй байдлыг ханган, осол аваар гарахаас сэргийлэх үүднээс уг замыг нэг чигийн урсгалтай болгож хажууд нь явган хүний замыг тусгаарлан гаргаж өгөх шийдвэрийг гаргасан юм.