Аймгийн Иргэдийн Төлөөлөгчдийн Хурлын дэргэдэх Иргэний зөвлөл нь Цагдаагийн байгууллагын үйл ажиллагааг иргэдэд түгээн дэлгэрүүлэх, гэмт хэрэг, зөрчлөөс урьдчилан сэргийлэх, нийтийн хэв журам хамгаалах, иргэдийн эв санааны нэгдэл, хамтын ажиллагааг дэмжих, орон нутагт цагдаагийн байгууллагыг хөгжүүлэх асуудлаар шийдвэр гаргахад туслах чиг үүрэгтэй ажилладаг.

Дархан-Уул аймгийн ИТХ-ын дэргэдэх Иргэний зөвлөлийн гишүүн О.Батаа нь гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хамгаалах ажилд дэмжлэг үзүүлэх үйлсэд өндөр хувь нэмэр оруулсан зүтгэлийг нь үнэлэн, Цагдаагийн ерөнхий газрын “Хүндэт жуух”-аар шагнасан байна.

Энэхүү нэр хүндтэй шагналыг өнөөдөр /2016.09.19/ аймгийн ИТХ-ын дарга Г.Эрдэнэбат гардуулан өгч, баяр хүргэлээ.