Дархан-Уул аймагт Улаанбурхан өвчний тохиолдол дөрөвдүгээр сарын 26-ны өдрийн байдлаар 1848 дахь тохиолдол бүртгэгдээд байна. Нэгдсэн эмнэлгийн Халдвартын тасагт өнөөдрийн байдлаар 23 хүн хэвтэн эмчлүүлж байгаагийн 90 гаруй хувь бага насны хүүхэд байгаа юм. Ялангуяа 0-9 сартай хүүхдүүдэд дархлаажуулалтын вакцин хийгээгүй байдаг тул, Улаанбурханаар өвдсөн тохиолдолд маш хүнд тусдаг байна.

Тиймээс уг өвчнийг эмчлэхэд нэн шаардлагатай шинэ тоног төхөөрөмжүүдийг Дархан нутаг” ТББ-ын дэргэдэх “Хөгжлийн сан”-гаас аймгийн Нэгдсэн эмнэлэгт хандивлалаа.

Тухайлбал нярай хүүхдийн судас тодруулагч, автомат тариур болон Нэгдсэн эмнэлгийн Халдвартын тасагт иж бүрэн тоноглогдсон 4 орыг хандивласан бөгөөд цаг үеэ олсон энэхүү тусламжид эмнэлгийн эмч ажилчид талархсанаа илэрхийллээ.

            “Дархан нутаг” ТББ-ын дэргэдэх “Хөгжлийн сан”-ийн Тэргүүн П.Алимаа: Манай байгууллага нь цаашдаа хүүхдийн эрүүл мэнд, боловсролд чиглэсэн үйл ажиллагаа явуулахын зэрэгцээ нийгэмд чиглэсэн олон ажлыг санаачлан хэрэгжүүлэхээр төлөвлөсөн хэмээн ярьлаа.