“Шийдвэр гаргах түвшинд эмэгтэйчүүдийн оролцоо” Үндэсний Чуулга уулзалт Нийслэл хотноо Соёлын төв өргөөнд 4-р сарын 4-ний өдөр зохион байгуулагдана.
Чуулган “Улс төрийн дээд түвшинд шийдвэр гаргахад эмэгтэйчүүдийн оролцоо”, “Орон нутгийн түвшинд шийдвэр гаргахад эмэгтэйчүүдийн оролцоо”, “Эмэгтэйчүүдийг улс төрийн карьерт бэлдэх нь”, “Монголын нийгэмд эмэгтэйчүүдийн манлайлал” зэрэг үндсэн 4 сэдвийн хүрээнд илтгэлүүд тавигдаж, мэдээлэл өгөх юм.
Нийт 600 гаруй хүмүүс оролцохоор бүртгүүлээд байгаа бөгөөд Дархан-Уул аймгийг төлөөлөн, аймгийн Иргэдийн төлөөлөгчдийн Хурлын төлөөлөгч П.Оюунгэрэл, Ч.Баярцэцэг нар оролцох юм.
Улс төр болон нийгмийн бүх салбарт, аймаг сумдын Нутгийн өөрөө удирдах ёсны байгууллагуудад эмэгтэйчүүдийн байр суурийг бэхжүүлэх, эзлэх хувийг нэмэгдүүлэхэд энэхүү чуулганы гол зорилго оршиж байна.