Монголын Залуучуудын холбооны Өмнөговь аймаг дахь салбар, Өмнөговь аймгийн Цогтцэций сумын Залуучуудын холбооны санаачилгаар Зүүн бүсийн сумдын Залуучуудын холбооны чуулга уулзалт 2016.03.25-26ны өдрүүдэд болж өнгөрлөө. Чуулга уулзалтанд Өмнөговь аймгийн Цогт Овоо, Ханхонгор, Манлай, Ханбогд, Баян Овоо, Цогтцэций сумын нийт 60 гаруй залуучуудын төлөөлөл оролцлоо. Зүүн бүсийн сумдын “Залуучуудын холбоо”-ны тэргүүн туршлага, хийсэн ажлын тайлангаа танилцуулж, сургалт, лекцийг зохион байгуулагдсан бөгөөд энэхүү уулзалтаас “ЗАЛУУСЫН МАНЛАЙЛАЛ-МОНГОЛЫН ИРЭЭДҮЙ” уриалгыг гаргалаа. Мөн “Таван толгой” ХК-ийн үйл ажиллагаатай танилцаж нөхөрсөг гар бөмбөгийн тэмцээн зохион байгууллаа. Энэхүү үйл ажиллагааг Цогтцэций сумын Иргэдийн Төлөөлөгчдийн хурал, Засаг даргын Тамгын газар, Тавантолгой ХК нар ивээн тэтгэсэн бөгөөд Цогтцэций сумын “Залуучуудын холбоо”-г дэмжин ажилласан аж ахуй нэгж, байгууллагын хамт олонд гүн талархсанаа илэрхийлье.