Чингэлтэй дүүргийн Засаг даргын нэрэмжит “Спорт наадам-2015” тэмцээний нээлт дүүргийн Биеийн тамир, спорт хороонд 2015 оны аравдугаар сарын 31-ны өдөр боллоо.

Нээлтэнд дүүргийн Засаг дарга Д.Ганболд, дүүргийн Иргэдийн Төлөөлөгчдийн Хурлын Ажлын албаны дарга Ц.Алтанцацрал, Засаг даргын Хөдөлмөр эрхлэлт, нийгмийн хөгжлийн асуудал хариуцсан орлогч Ж.Лхагвасүрэн, Байгаль орчин, ногоон хөгжлийн асуудал хариуцсан орлогч Б.Батхуяг, Засаг даргын Тамгын газрын Захиргаа, хуулийн хэлтсийн дарга А.Дамцагдорж, бусад алба, хэлтсийн дарга нар оролцов.

Дүүргийн Засаг даргын нэрэмжит “Спорт наадам-2015” тэмцээнд дүүргийн Иргэдийн Төлөөлөгчдийн Хурал, Засаг даргын Тамгын газар болон Засаг даргын дэргэдэх алба, хэлтэс нийт 18 байгууллагын баг тамирчид хөлбөмбөг, олс таталт, сур харваа, гар бөмбөг, сагсан бөмбөг гэсэн спортын таван төрлөөр өрсөлдөж байгаа юм. 10 дугаар сарын 30, 31-ний өдрүүдэд дүүргийн Биеийн тамир, спортын хороо, 24 дүгээр сургуулийн биеийн тамирын зааланд багууд сагсан бөмбөг, гар бөмбөгийн тэмцээн зохион байгуулж шилдгүүдээ тодруулна.