Төв аймгийн  нутгийн захиргааны зарим байгууллагуудад гарсан төрийн жинхэнэ албан тушаалын сул орон тоог нөхөх төрийн албаны мэргэшлийн шалгалтын бүртгэлийг 2015 оны 10 дугаар сарын 13-14-ний өдрүүдэд хийв.  Мэргэшлийн шалгалт явуулах салбар комиссыг аймаг дахь ТАЗСЗ-ийн 2015 оны 10 дугаар сарын 09-ний өдрийн 22 дугаар тогтоолоор 9 хүний бүрэлдэхүүнтэй байгуулсан. Бүртгэл, сорил, ярилцлагын шалгалтын хэвийн үйл ажиллагааг хангах ажлын хэсэгт төрийн жинхэнэ албаны удирдах болон гүйцэтгэх албан тушаалын 7 албан хаагч ажиллаж байна.   Энэ удаагийн мэргэшлийн шалгалтаар дэс түшмэлийн ангиллын 6, туслах түшмэлийн ангиллын 18, мөн 2014 онд зохион байгуулсан ТАМШ-аар хүн бүртгүүлээгүй 8, нийт 32 ажлын байр зарлагдсан.   Нийт 349 иргэн бүртгүүлснээс дэс түшмэл 131, туслах түшмэл 218 хүн бүртгүүлэв.

Шалгалтын үед хориглох зүйлс, шалгалт хүчингүй болох тохиолдол:

- Шалгалтад гар утас, чихэвч, зөөврийн компьютер, аудио, видео техник хэрэгсэл, ноорог цаас, ном дэвтэр зэрэг бусад зүйлс авч орох.

- Бусад шалгалт өгч буй иргэнтэй харилцах, туслах, туслуулахыг оролдсон

- Ажлын байранд тавигдсан шаардлагыг хангахгүй нь шалгалтын явцад болон шалгалтын дараа илэрч нотлогдсон

- Хуурамч бичиг баримт бүрдүүлсэн

 

            Хуваарь:

 

            Сорилын шалгалтыг  тогтоосон цагийн хуваарийн дагуу авна.

            1. Иргэний үнэмлэхтэй ирнэ.  

            2. Шалгалт авахаас 20 минутын өмнө зохион байгуулагчид үнэмлэхээ шалгуулж, шифрийн дугаар авсан байна. 

 

Аймаг дахь Төрийн албаны зөвлөлийн Салбар зөвлөл