Чингэлтэй дүүргийн зарим иргэнийг төрийн одон медалиар шагнасныг Иргэдийн баярын үеэр дүүргийн Иргэдийн Төлөөлөгчдийн Хурлын дарга Д.Бат-Эрдэнэ, Чингэлтэй дүүргийн Засаг дарга Д.Ганболд нар гардуулж өгөв. Ерөнхийлөгчийн зарлигаар “Хөдөлмөрийн гавьяаны улаан туг”-ийн одонгоор 4 дүгээр хорооны Иргэдийн Нийтийн Хурлын дарга Р.Цэрэнпилийг, Боловсрол, соёл, шинжлэх ухааны сайдын тушаалаар “Соёлын тэргүүний ажилтан” цол, тэмдгээр 17 дугаар хорооны иргэн Г.Лхагва, Г.Мягмарсүрэн нарыг шагнасныг хүндэтгэлтэйгээр гардуулсан юм. Г.Лхагва, Г.Мягмарсүрэн нар нь гэр бүлийн уран бүтээлчид бөгөөд 30 гаруй жил уран бүтээл туурвисан байна.