Айлчиллаар Архангай аймаг Чонян муж хоорондын найрамдалт харилцааг бэхжүүлэх, эрүүл мэнд, хөдөө аж ахуйн салбарын уялдааг эрчимжүүлэх бөгөөд дээрх салбаруудад хамтран ажиллахад санал солилцов.
Засаг дарга И Сог Хуа тэргүүтэй зочдыг аймгийн ИТХ-ын дарга Ч.Мөнхбат, Засаг даргын орлогч М.Батжаргал тэргүүтэй орон нутгийн удирдлагууд хүлээн авч албан уулзалтыг өрнүүлж, санал солилцлоо.
Чонян муж Архангай аймаг эртний найрсаг харилцаатай бөгөөд хөдөө аж ахуй, газар тарилангийн чиглэлээр Архангай аймгаас иргэд тус мужид суралцаж байжээ.
Мөн эрүүл мэндийн салбарт жил бүр хүмүүнлэгийн эмч, эмнэлэгийн ажилтнууд ирж, үзлэг оношлогоог үнэ төлбөргүй хийж, тухайн өвчинд шаардагдах эм тариагаар хангаж ажиллав.
Энэ удаад Засаг даргын албан айлчлалын хүрээнд ерөнхий мэргэжлийн дөрвөн эмч, дөрвөн сувилагч аймгийн нэгдсэн эмнэлэгийн амбултороор иргэдийг хүлээн авч зөвлөгөө өгч үйлчиллээ.
Хоёр өдрийн дотор 800 орчим иргэд дугаарлан үнэ төлбөргүй үзлэгт хамрагдан шаардлагатай эм, бэлдмэлийг авсан байна.
