Дархан сумын ИТХ-ын Тэргүүлэгчдийн хурлаар тус сумын 2015 оны жилийн газар зохион байгуулалтын төлөвлөгөөнд тодотгол хийх асуудлыг хэлэлцэв. Дархан сумын ИТХ-ын Тэргүүлэгч Л.Бат-Эрдэнэ тодотгол хийх асуудлыг дэмжихгүй гэдэг саналыг хэлэв. Учир нь Дархан уул аймгийн Дархан сум 2015 оны газар зохион байгуулалтын төлөвлөгөөг оны эхэнд Тэргүүлэгчдээр хэлэлцүүлж батлуулсан, дахин гар хүрэх шаардлагагүй гэж үзэв. ” Тодотгол” нэрийдлээр дахин шинээр үйлчилгээний зориулалтаар газар олгох нь хот төлөвлөлтийг гажуудуулах эрсдэл бий болно гэж хэлэв. Тэргүүлэгчдийн хурлаар сумын иргэдэд гэр бүлийн хэрэгцээний газрыг олгоё гэдэгт санал нэгдэв. Харин үйлдвэрлэл үйлчилгээний зориулалтаар аж ахуй нэгжүүдэд олгох газрын асуудлыг уг хурлаар хэлэлцсэнгүй буцаав.
