Зураг: Бүгд Найрамдах Солонгос Улсад анх удаа Архангай аймгийн Нутгийн Зөвлөл байгуулагдлаа. Солонгос улсад дахь АРХАНГАЙН НУТГИЙН ЗӨВЛӨЛ-ийнхөн.
Архангай аймгийн удирдлагууд өнгөрөгч долоо хоногт Бүгд Найрамдах Солонгос Улсад томилолтоор ажиллаад ирлээ. Аймгийн ИТХ-ын дарга Ч.Мөнхбат, аймгийн Засаг дарга Д.Бат-Эрдэнэ нар тус улсад ажиллаж амьдарч байгаа Архангай аймагт төрж өссөн, сурч хөдөлмөрлөж амьдарч байсан нутгийн иргэдтэйгээ 2015 оны 4-р сарын 12-ны өдрийн 14.00 цагт БНСУ дахь Нийгмийн хамгааллын үйлчилгээний төвийн байранд уулзаж, нутгийн сонин, шинэ мэдээллийг өгч, Солонгос улсад амьдарч байгаа иргэдийнхээ санал, хүсэлт, нутгийнхаа хөгжилд дэм болох шинэ санаа, санаачлагыг сонсож ажиллалаа. Мөн нутгийн идээний дээж амсуулсан найрсаг уулзалтыг зохион байгуулагдлаа. Тус уулзалтаар Солонгос улсад Архангай аймгийн нутгийн зөвлөлийг анх удаа байгууллаа.
Зураг: Бүгд Найрамдах Солонгос Улсад суугаа Архангай нутгаар овоглосон иргэдтэйгээ Аймгийн ИТХ-ын дарга Ч.Мөнхбат, аймгийн Засаг дарга Д.Батэрдэнэ нар уулзлаа
