Зэвсэгт хүчний 94 жилийн ой, Монгол цэргийн өдөр, Нийслэлийн Цэргийн штаб үүсэн байгуулагдсаны 90 жилийн ойн хүрээнд дүүргийн Иргэдийн Төлөөлөгчдийн Хурлын дарга Д.Бат-Эрдэнэ, Засаг дарга Д.Ганболд, Засаг даргын Тамгын газрын дарга Ж.Эрдэнэбат нар дүүргийн Цэргийн штабын даргаар ажиллаж байсан бэлтгэл хурандаа Л.Батболд, Т.Эрдэнэсүх, Ж.Мягмаржав, хурандаа А.Дамцагдорж нарыг хүндэтгэж “Чингэлтэй хайрханы өвөрт” гэрэл зургийн түүхэн ном бэлэглэв.
Энэ үеэр дүүргийн Цэргийн штабын дарга, дэд хурандаа Ж.Даваарагчааг “Чингэлтэй дүүргийн 20 жилийн ой”-н медалиар шагнасныг дүүргийн Иргэдийн Төлөөлөгчдийн Хурлын дарга Д.Бат-Эрдэнэ гардуулж өглөө.
Мөн Дүүргийн Цэргийн штабын хамт олон бэлтгэл хурандаа нараа тусгайлан хүндэтгэж, мөнгөн урамшуулал өгсөн байна.