Монголын уламжлалт  мал маллагааны  арга туршлагыг  хөгжүүлэх, залуу малчдын  хот болон төв суурин  газарт  тэмүүлэх нүүдлийг сааруулах, гэр бүлээрээ хөдөө гарч  мал аж ахуйгаа  эрхлэн явуулахад  дэмжлэг урам зориг  өгөх үүднээс 2014 оноос  эхлэн "Залуу  малчин гэр бүл" шагналын журам боловсруулан  уралдаан зарлаж  Өргөмжлөл нэг сая төгрөгийн мөнгөн  шагналтай байхаар  ИТХ-ын дарга, иргэн Ж.Мөнхзориг  нарын санаачлагаар  бий болоод байна. Энэ жилийн "Залуу малчин гэр бүл" шагналыг  Мандал I багийн малчин Г.Отгонтөгс, Цогтөндөр II багийн  малчин Н.Амангельд, Н.Ганбаатар, Үдлэг IV багийн малчин  Ц.Даваасүрэн  нарын гэр бүлүүд уралдааны болзлыг  хангаж уг шагналыг хүртсэн байна.