Тус хэлтсийн дарга И.Алтанцэцэг:-“Стандартчилал хэмжилзүйн газрын Удирдах ажилтны зөвлөлгөөн Улаанбаатар хотод болж 2014 оны салбарын хэмжээний ажлын үр дүнг хэлэлцэж 2015 онд тавих зорилтоо тодорхойлсон. Зөвлөлгөөний нээлтэд Монгол Улсын Шадар сайд У.Хүрэлсүх оролцож Шийдлийн Засгийн Газрын  бодлогыг хэрэгжүүлэхээр хийж байгаа ажил, төлөвлөгөөг танилцуулж салбарын ололт амжилт, тулгамдсан асуудлуудыг хөндөж хэлэлцлээ. Стандартчилал, хэмжил зүйн салбар  ”Чанар бидний зорилт” уриа дэвшүүлж салбартаа чанарыг эрхэмлэж ажиллах зорилт тавилаа.

Мөн үеэр Стандартчилал, хэмжил зүйн Газрын дарга болон орон нутгийн Стандартчилал хэмжилзүйн хэлтсийн дарга нарын хооронд байгуулсан 2014 оны үйл ажиллагаа, үр дүнгийн гэрээний биелэлтийг дүгнэсэн. Дархан-Уул аймгийн Стандартчилал хэмжилзүйн хэлтэс салбарын хамт олноо манлайлан ажиллаж 2014 оны ажлаараа нэгдүгээр байр эзэллээ. Энэ бол манай хамт олны хичээл зүтгэл хамтарч ажилладаг байгууллагуудын идэвхтэй оролцооны үр дүн гэж талархаж байгаагаа хэлмээр байна” гэлээ.