XYII жарны модон хонь жилийн сар шинийн баярыг тохиолдуулан Сүхбаатар дүүргийн ИТХ-ын дарга Б.Ган-Эрдэнэ, Засаг дарга Д.Бадарсан, ИТХ-ын Төлөөлөгчид, болон бусад албаны хүмүүс ахмадуудаа хүлээн авч, хүндэтгэл үзүүлэх өдөрлөгийг хороо бүр дээр зохион байгуулж, гарын бэлэг гардуулж байна.
Өнгөрсөн жил 12051 ахмадуудаа хүлээн авч байсан бол энэ жил 12700 болон өсчээ. Үйл ажиллагааны үеэр дүүргийн ахмадын “Аялгуут эгшиглэн” хамтлаг, сургууль цэцэрлэгүүд шилдэг уран бүтээлээрээ буурлууддаа сар шинийн мэндийг хүргэж, урлагийн тоглолтоор бэлэг барилаа. Арга хэмжээ энэ сарын 11-нээс 15-ныг дуустал үргэлжилнэ.
