2015 оны 02 дугаар сарын 03-ны билэгт сайн өдөр Монгол Улсын Ерөнхийлөгчийн зарлигаар Хөдөө аж ахуй, Эрүүл мэнд, Төр захиргаа, төрийн бус байгууллагад олон жил үр бүтээлтэй ажиллаж, тогтвортой амжилт гаргасан Тариат сумын НХҮХ-ийн мэргэжилтэн Данзангийн Дэмбэрэлдодовыг алтан гадас одонгоор, Эрдэнэбулган сумын иргэн Нанжидийн Нина, Цэнджавын Төмөрсүрэн нар Хөдөлмөрийн хүндэт медалиар тус тус шагнагдлаа.
Төрийн одон медалийг аймгийн ИТХТ-ийн
ажлын албаны дарга Л.Отгонбаатар, Аймгийн ИТХ-ын тэргүүлэгч Б.Булганчимэг нар
ёслол хүндэтгэлийн танхимдаа ёслол хүндэтгэлтэйгээр гардуулан өглөө.
Аймгийн ИТХ-ын тэргүүлэгч
Б.Булганчимэг Данзангийн Дэмбэрэлдодовын энгэрт алтан гадас одонг зүүж өгөхдөө:
Цэлмэг тэнгэрт гялалзан харагдах алтан гадас од маань энэ
мөчөөс эхлэн
Цагаан нуурын ажилсаг албан хаагч таны цээжинд гялалзах
боллоо. Та бүхэн маань булган сүүлтэй байж, аймаг орон нутгаасаа өшөө олон одон
медалийн эздийг төрүүлэх болтугай хэмээн өлзийтэй сайхан ерөөлийг өргөн
дэвшүүлсэн билээ.