Дархан-Уул аймгийн хэмжээнд 2012 оноос хойш жил бүр ЕБС-ийн сурагчид, оюутан залуусын дунд “Шилдэг мэтгэлцэгч, уран илтгэгч” тэмцээнийг зохион байгуулсаар ирсэн. Энэ жилийн “Шилдэг-Мэтгэлцэгч-4” Дархан-Уул аймгийн аварга шалгаруулах парламентийн мэтгэлцээн болон уран илтгэлийн тэмцээн амжилттай болж өнгөрлөө. Парламентийн мэтгэлцээнд 32 багийн 64 сурагч, уран илтгэлийн тэмцээнд 23 сурагч нийт 87 сурагч оролцлоо. Тэмцээнд оролцогчдын хувьд өмнөх жилүүдтэй харьцуулвал оролцогчдын идэвх, илтгэх ур чадвар нэмэгдсэн гэж шүүгчид үзжээ. “Шилдэг мэтгэлцэгч-4” тэмцээний уран илтгэгчээр Турк сургуулийн сурагч Г.Энхтүшиг шалгарсан бол тэргүүн байрын шагналыг “GG” баг, дэд байрыг “Dream fire” баг, гуравдугаар байрыг “Infinite” баг, тусгай байрыг “Тулах” цэг багууд тус тус эзэлсэн байна.