Эрдэм мэдлэгийн ариун үйлсийг түгээж, үе үеийн шавь нарынхаа оюуны гэрлийг асаан, эрдэм оюунаа зориулан хүчин зүтгэж яваа эрдэмтэн багш нар, боловсролын салбарын ажилтан, албан хаагчид Та бүхэндээ Монголын багш нарын баярын өдрийн мэнд дэвшүүлье.
Дархан сумын ард иргэд, хүүхэд багачуудыг боловсролтой, үндэсний ёс, заншлаа дээдэлж, эх орноороо бахархдаг, шинэ үеийн хариуцлагатай иргэн болгон төлөвшүүлэх нэн хариуцлагатай бөгөөд эрхэм үүргийг ардын багш та бүхэн үүрч байдаг билээ.
Нарт хорвоод эгнэшгүй нандин сайхан мэргэжлийг эзэмшсэн “БАГШ” танд Дархан сумын Иргэдийн Төлөөлөгчдийн Хурлын нэрийн өмнөөс чин сэтгэлийн мэндчилгээг дэвшүүлье.