Дархан-Уул аймгийн ИТХ-аас Дархан, Хонгор, Шарын гол, Орхон сумын Багийн Иргэдийн Нийтийн Хурлын (ИНХ) дарга нарыг чадавхжуулах сургалтыг зохион байгуулж байна.Сургалтаар багийн ИНХ-ын эрх зүйн байдал, үйл ажиллагааны онцлог, иргэдийн оролцоог нэмэгдүүлэх боломж, хурлын дотоод зохион байгуулалтыг боловсронгуй болгох зэрэг чухал асуудлуудаар харилцан ярилцаж, мэдээ мэдээлэл солилцож байна.Энэхүү сургалт нь ИНХ-ын дарга нарын мэдлэг, ур чадварыг нэмэгдүүлэх, багийн түвшинд иргэдийн оролцоог өргөжүүлэх, үйл ажиллагааны ил тод, хариуцлагатай байдлыг хангахад чиглэж буй юм.Сургалтад аймаг, сумдын ИТХ-ын дарга, нарийн бичгийн дарга, 26 багийн ИНХ-ын дарга нар оролцож байна.
