Аймаг, сумдын ИТХ-ын дарга нар /Дархан, Хонгор, Орхон/ Шарын гол суманд ажиллалаа.Ажлын хүрээнд “Шарын гол” ХК-ийн үйл ажиллагаа, Шарын гол–Баянгол чиглэлийн авто зам, спортын ордон болон хөл бөмбөгийн талбайн шинэ бүтээн байгуулалт зэрэг томоохон ажлын явц, хэрэгжилттэй танилцав.
Монгол Улсын төвийн болон хойд бүс нутгийг эрчим хүчний нүүрсээр 60 жилийн турш тасралтгүй хангадаг “Шарын гол” ХК нь 60 жилийн ойн хүрээнд ахин шинэ техникүүдийг ашиглалтад оруулсан байна. Хятад Улсын Sinotruck үйлдвэрийн Хово-105 маркийн 80 тн даацтай автомашин 6 ширхэг, Автомат хурдны хайрцагтай хово маркийн автомашин 2 ширхгээр тус тус үйлдвэрийн тээвэрлэх хүчин чадлаа нэмэгдүүлжээ.
