Монгол улс Бүгд Найрамдах Польш Улс хооронд дипломат харилцаа тогтоосны 75 жилийн ой, Краков дахь Монгол Улсын Ерөнхий консулын газрын 10 жилийн ойг тохиолдуулан БНПУ-ын Малопольск мужийн дэд маршал Ришард Пагачаар ахлуулсан төлөөлөгчид мөн БНПУ-аас Монгол Улсад суугаа элчин сайд Кшиштоф Бойке, Монгол улсын Краков хот дахь Өргөмжит консул Цахиурын Уртнасан нар Архангай аймгийн удирдлагуудтай албан уулзалт хийлээ. Уулзалтын хүрээнд хоёр аймгийн хамтран ажиллах чиглэлд аймгийн Засаг дарга Б.Цэрэннадмид хөдөө аж ахуй, дэд бүтэц, сэргээгдэх эрчим хүч, мах бэлдэх хөнгөн үйлдвэр, эрүүл мэнд, боловсрол, төрийн захиргааны салбарын мэргэжилтнүүдийн туршлага солилцох, ХАА-н сургуулиудад мэргэжилтэн бэлтгэх зэрэг чиглэлүүдээр хамтран ажиллах санал тавилаа.