Дархан сумын ИТХ-ын дарга Б.Эрдэнэзаяа өнөөдөр /2025.06.18/ багийн иргэдийн нийтийн хурлын (БИНХ) дарга нартай уулзалт хийж, БИНХ-ын анхдугаар хуралдааны зохион байгуулалт болон цаг үеийн шаардлагатай асуудлуудын талаар хэлэлцэж, санал солилцон Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн холбогдох заалтыг танилцууллаа. Тэрээр хэлсэн үгэндээ:

   БИНХ-ыг 6 дугаар сард багтаан хуралдуулах шаардлагатай. Учир нь Төсвийн тухай хуулийн дагуу 2026 онд тухайн багт ОНХС-аар хийгдэх ажлуудыг энэ сард багтаан иргэдээс санал авсан байх ёстой. Мөн иргэдээс, аймаг, сумын төлөөлөгчид болон нам эвслийн зүгээс БИНХ-ыг зохион байгуулах талаар хүсэлт, шаардлага ихээр ирж буйг онцоллоо. Иймээс БИНХ-аар иргэдийн санал, оролцоог үндэслэж шийдвэр гаргах тул хурлаа хугацаанд нь зохион байгуулах нь чухал гэв.