Дархан сумын 14 дүгээр тойргоос сонгогдсон ИТХ-ын Төлөөлөгч, 14 дүгээр багийн засаг дарга Х.Буянхишигийн санаачлагаар, Орон нутгийн хөгжлийн сангийн санхүүжилтээр 4 дүгээр цэцэрлэгт хүүхдийн сэтгэлзүйн хэрэгцээг дэмжих, сэтгэл зүйн боловсрол олгох зориулалт бүхий “Сэтгэлзүйн өрөө”-г тохижуулан ашиглалтад орууллаа.

Тус өрөө нь:

 • Хүүхдийн танин мэдэхүй, сэтгэл хөдлөл, харилцааны чадварыг хөгжүүлэх

 • Стресс тайлах, тайван орчныг бүрдүүлэх

 • Багш, сэтгэлзүйчийн тусламжтайгаар хүүхдэд чиглэсэн ажил зохион байгуулах

 • Хүүхдийг хүчирхийллээс урьдчилан сэргийлэх, сэтгэл зүйн хамгаалалт бүрдүүлэх зорилготой

Сэтгэлзүйн өрөөг тоглоомын хэрэгсэл, ном, зөөлөн тавилга, өнгө аяс бүхий чимэглэл, сэтгэл заслын зориулалттай материал хэрэгслээр тоноглосон бөгөөд мэргэжлийн багш, ажилчидтай хамтран зориулалтын дагуу ашиглах юм.