Монголын ахмадын холбооны ерөнхийлөгч Ц.Сүхбаатар тэргүүтэй 21 аймгийн Ахмадын хорооны дарга нар Дархан-Уул аймагт зочиллоо. Аймгийн ИТХ-ын дарга А.Янжмаа хүлээн авч уулзан аймгаас ахмад настныг дэмжин хэрэгжүүлж буй бодлого үйл ажиллагаа, цаашид хийж хэрэгжүүлэх ажлын талаар танилцууллаа.
Зочид Ахмадын хөгжлийн төв ОНӨУТҮГ, Ахмад настны хөдөлмөрийн бирж зэрэг 2020-2024 онд хийсэн ажлуудыг сонирхон асууж байв. Цаашид хийж хэрэгжүүлэх томоохон ажлаар бүсийн хэмжээнд үйлчлэх "Ахмад настны төрөлжсөн асрамжийн газар"-ыг аймгийн ИТХ-ын даргын зүгээс онцолж, 2024-2028 онд хэрэгжүүлэх ЗДҮАХ-т тусгуулж, зураг төсөл боловсруулах 150 сая төгрөгийг энэ жил орон нутагтаа шийдвэрлэж буй талаар ярьлаа.
Уулзалтын дараа 21 аймгийн ахмадын хорооны дарга нар Ахмадын хөгжлийн төв ОНӨУТҮГ-ын үйл ажиллагаатай танилцлаа.
