Төв аймгийн ИТХ-ын Ажлын албанаас зохион байгуулж буй “Иргэдээ сонсъё” арга хэмжээний хүрээнд аймгийн ИТХ-ын дарга Н.Энхболд, Засаг даргын орлогч Б.Батбаатар нараар ахлуулсан ажлын хэсэг Төв аймгийн Эрдэнэ сумын төсөвт байгууллагын үйл ажиллагаатай танилцлаа.
Эрдэнэ сумын ЕБС нь олон талаараа амжилттай яваа хамт олон гэдгээ харуулж, уралдаан тэмцээн болон сурлага, урлагийн амжилтаа Сургуулийн захирал Л.Хосбаяр бахдан ярьж байлаа.
ТЭД “СПОРТЫН ШИЛДЭГ СУРГУУЛЬ”- Тус сургуулийн сурагчид Хүүхдийн спортын 6,7-р их наадмын тэргүүн байр,
- Тэшүүрийн улсын аварг шалгаруулах тэмцээний 4 удаа тэргүүн, 5 удаа дэд байр
- Аймгийн тэшүүрийн 18 удаагийн тэргүүн байр
- Аймгийн аварга шалгаруулах дугуйн тэмцээний 6 удаагийн аварга
- Аймгийн спортын шилдэг сургуулиар 4 удаа шалгарсан олон амжилттай.
ТЭД “СУРЛАГЫН ШИЛДЭГ СУРГУУЛЬ”- Улсын төрөлжсөн олимпиад, Элсэлтийн шалгалт, Байгууллагын гүйцэтгэлийн үнэлгээнүүдийн үр дүнгийн дунджаар аймгийнхаа 12 жилийн сургуулиудыг тэргүүлдэг.
- Элсэлтийн шалгалт - 1 байр
- Улсын төрөлжсөн олимпиад байр V
- 2024 Оны Байгууллагын болон багшийн гүйцэтгэлийн үнэлгээгээр хөгжлийн түвшний II индекст үнэлэгдэж, нийт 16 багш буюу 70% нь Багшийн ГҮ-ний урамшуулал авч байна
ТЭД“АЖ АХУЙЧ СУРГУУЛЬ”- “Эрдэнэ” ПК, “Мон Фрэш” ХХК-тай хамтран ажиллаж 1-12-р ангийн хүүхэд бүрд Мягмар, Пүрэв гарагт 140 мл халуун сүү, Лхагва гарагт 200 мл луувангийн жүүс өгдөг. 1 удаад 65 л буюу сардаа 520 л сүү өгч байна
- Туслах аж ахуй эрхэлж Бог мал – 182 толгой, Баянчандманьд 1 га газар төмс тариалдаг.
- Хөдөлмөр зуслангийн болон өвөлжөөний газартай.
- Хадлан хадах, самар түүх, чацаргана хураах зэргээр орлого бүрдүүлж сургалтын орчин бүрдүүлэхэд ашигладаг.
- “Ногоон сургууль” болох зорилго тавьж, “Төгсөгчдийн төгөл” байгуулж 2024 онд 1900 гаран модыг тарьж, ургуулж байна.
ЦАХИМ ШИЛЖИЛТБага ангийн сурагчдад зориулж улсын төсвийн 52сая төгрөгөөр цахим ангийг байгуулж, сургуулийн хэмжээнд 4 цахим анги, мэдээлэл зүйн кабинетад 54 нөөтбүүк, 115 таблетийг сурагчид ашиглаж байна.
ХӨРӨНГӨ ОРУУЛАЛТзөвхөн улс, аймгийн хөрөнгө оруулалт төдийгүй эцэг эх асран хамгаалагч, сурагчдын бүтээлч ажлын үр дүнгээр олон тохижилтын ажлууд хийжээ.
хүүхдийн 2ш автабус хэвийн ажиллаж, хүүхдүүдээ зөөж байна.
