Төв аймгийн ИТХ-ын дарга Ц.Жамбалсүрэн Япон улсын Изүмисано хотын ИТХ-ын дарга Накато Дайсүкэ тэргүүтэй бүрэлдэхүүнийг хүлээн авч уулзлаа.
Төв аймаг, Япон улсын Изүмисано хот хооронд тогтоосон найрсаг харилцаа, хамтын ажиллагааны хүрээнд Изүмисано хотын ИТХурал, төрийн байгууллагын дарга, удирдлага, Ёсакой үндэсний бүжгийн хамтлаг, ICA ТББ, Залуучуудын холбооны 51 хүний бүрэлдэхүүнтэй төлөөлөгчид хүрэлцэн ирлээ.
Аймгийн ИТХ-ын Төлөөлөгч, "Түмэн газрын эв найрамдал Нийгэмд үйлчлэх" ТББ-йн Удирдах зөвлөлийн дарга Д.Баярбат нарын урилгаар хүрэлцэн ирсэн уг айчлалын хүрээнд Төв аймгийн баяр наадам үзэн, монголын уламжлалт ахуй соёлтой танилцан, хоёр талын харилцаа хамтын ажиллагааны түвшинг ахиулах зорилготой юм.
