Аймгийн ИТХ-ын дарга Д.Эрдэнэбат Сэлэнгэ суманд болсон байгалийн аюулт үзэгдлийн дараах нөхцөл байдалтай газар дээр нь танилцлаа.
Тус суманд 2024 оны 06 дугаар сарын 10-ны өдөр усархаг бороо, мөндөр орж, хүчтэй салхилсны улмаас Ерөнхий боловсролын сургууль, дотуур байр, спорт заал, Эрүүл мэндийн төвийн дээвэр хуурч, 151 өрхийн хашаа, 4 айлын гэр, наадмын талбайн асар хашаа, цахилгааны 7 тулгуур шон нурсан нөхцөл байдалтай байна.
ИТХ-ын дарга сумын удирдлагууд болон сумын онцгой комиссын гишүүдтэй уулзаж, байгалийн аюулт үзэгдэлтэй холбогдуулан авч хэрэгжүүлэх арга хэмжээний талаар сонсож, түргэн шуурхай ажиллах, аймгийн онцгой комиссоос "Гамшгийн эрсдэлийг бууруулах орон нутгийн зөвлөл”-д хохирол, нөхцөл байдлын талаар санал хүргүүлэх чиглэл өглөө.
