Чингэлтэй дүүргийн иргэдийн Төлөөлөгчдийн Хурлын Ажлын албанаас дүүргийн ерөнхий боловсролын сургуулийн сурагчдад хог хаягдлыг ангилан хаях талаарх мэдлэг, мэдээлэл, байгаль орчинд хор хөнөөлгүй ээлтэй цэвэр цэмцгэр хандлагыг төлөвшүүлэх, Эко бүлгийн үйл ажиллагааг идэвхжүүлэх зорилгоор “Эко дүүрэг-Эрүүл иргэн” сэдэвт сургалтыг Эрүүл мэнд нийгмийн бодлогын хүрээлэн, Экологийн цагдаагийн газартай хамтран зохион байгууллаа.

Олон улсын хог хаягдлын 3R менежмент, хог хаягдлын хор уршиг, тэдгээрийг ангилан ялгах хэрэгцээ шаардлага, ангилан ялгах зааварчилгаа болон эко бүлгийн үйл ажиллагаа, оролцоо, манлайллын талаарх сургалтыг Эрүүл мэнд нийгмийн бодлогын хүрээлэнгийн сургагч багш А.Болортуяа, Хог хаягдлын хуулийн талаарх мэдээллийг Экологийн цагдаагийн албаны байцаагч, цагдаагийн ахлах дэслэгч Л.Болорсолонго нар танилцуулсан бөгөөд сургалтад 5, 23, 24, 50 дугаар сургуулийн 7-9 дүгээр ангийн сурагчид хамрагдлаа.

Энэхүү сургалтыг зохион байгуулснаар хүүхдүүд хог ангилан хаях мэдлэгт суралцаж, байгаль орчинд хор хөнөөлгүй ээлтэй цэвэр цэмцгэр хандлагыг төлөвшүүлэхийг зорьсноороо онцлог юм.

ХУРЛЫН АЖЛЫН АЛБА