Чингэлтэй дүүргийн иргэдийн Төлөөлөгчдийн Хурал, Гэмт хэргээс урьдчилан сэргийлэх ажлыг зохицуулах салбар зөвлөлөөс Монгол цэргийн өдөр, орчин цагийн Зэвсэгт хүчин үүсэн байгуулагдсаны 103 жилийн ойн баярын өдрийг тохиолдуулан иргэдийн эрүүл аюулгүй орчинд амьдрах нөхцөлийг бүрдүүлэх, гэмт хэрэг, зөрчлийг илрүүлэх, урьдчилан сэргийлэх ажилд идэвх санаачилга, үр дүн гарган ажилласан дүүргийн Цагдаагийн газар, 1, 2 дугаар хэлтэс, Замын цагдаагийн хэлтэс, Онцгой байдлын хэлтсийн албан хаагчдыг шагнаж, урамшууллаа.

Тус арга хэмжээнд Чингэлтэй дүүргийн иргэдийн Төлөөлөгчдийн Хурлын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга Б.Мөнхбат, Чингэлтэй дүүргийн Иргэдийн Төлөөлөгчдийн Хурлын Төлөөлөгч, Засаг даргын Орлогч Л.Цэеэрэгзэн, дүүргийн ИТХ-ын Төлөөлөгч, Гэмт хэргээс урьдчилан сэргийлэх ажлыг зохицуулах салбар зөвлөлийн Ажлын албаны дарга Т.Идэрцагаан, дүүргийн иргэдийн Төлөөлөгчдийн Хурлын Нарийн бичгийн дарга бөгөөд Ажлын албаны дарга П.Баянбаатар болон холбогдох газар, хэлтсийн удирдлагууд оролцож, эх орныхоо төлөө тангараг өргөн хоёргүй сэтгэлээр эх орон, ард олныхоо төлөө ажиллаж буй Эрхэм мөрдөст албан хаагчдадаа Монгол цэргийн өдрийн мэндийг хүргэж, эрүүл энх сайн сайхан бүхнийг хүсэн ерөөлөө.

ХУРЛЫН АЖЛЫН АЛБА