Аймгийн ИТХ-ын дарга Ц.Жамбалсүрэн зудын эрсдэл өндөр Эрдэнэсант, Өндөрширээт, Баянцогт сумдад ажиллаж, нөхцөл байдалтай танилцаж байна.

Баянцогт сумын хэмжээнд нийт нутгаар 20-40 см зузаан, зарим нутгаар 40-50см цасан бүрхүүл тогтсон байна.

Сумын хэмжээнд нийт 465 малчин өрхийн 102584 толгой мал өвөлжиж байна.

Сумын аюулгүйн нөөцөд 1000 боодол ногоон өвс, 1000 боодол сүрэл, 5 тн хивэг нөөцөлсөн байна.

ЗДТГ-ын даргаар ахлуулсан 15 гишүүний гамшгаас хамгаалах шуурхай штаб болон ажиллагааны баг нь 24 цагаар ажиллаж, нийт 21 удаагийн цасанд боогдсон иргэний дуудлагад газар дээр нь шуурхай хүрч үйлчлэн иргэд болон бага насны хүүхдийг эрсдэлээс авран хамгаалж ажиллажээ.

ЗДТГ-ын даргаар ахлуулан малчин түмэндээ туслах зорилгоор "Буянт мал сүргээ хамгаалъя" нэг сарын тусламжийн аяныг өрнүүлж ЕБСургууль, Цэцэрлэгийн ТАХ-чид нь дулаан бээлий, нэмнээ, духны гэрэл гэх мэт эд материалын тусламжийг үзүүлж, малчдад тараах ажлыг хэрэгжүүлж байна.

Шаардлагатай тохиолдолд дайчилгааны зорилгоор 3 иргэнтэй туулах чадвар бүхий авто машин техник ашиглалтын гэрээ байгуулаад байна.

Хурлын даргаар ахлуулсан ажлын хэсэг Баянцогт суманд 2 сая төгрөгийн шатахууны батламж гардуулж, өвс тэжээлийг хямдралтай үнээр олгох, малчдад эрүүл мэндийн тусламж үйлчилгээг хүртээмжтэй болгох талаар холбогдох байгууллагуудад үүрэг чиглэл өгч ажиллахыг илэрхийллээ.