Буриад зон олны уламжлалт ёс заншлыг сэргээн хөгжүүлэх олон улсын хамтын үйл ажиллагаа нэгтгэх зорилгоор “Алтаргана 2024” наадмыг зохион байгуулах хорооны анхдугаар олон улсын хуралдааныг зохион байгуулахаар болж өнөөдөр зочид төлөөлөгчид Булган аймагт ирлээ.
Тус ажлын хэсгийн бүрэлдэхүүнд ОХУ-ын Буриад улс, Эрхүү муж, Өвөр Байгаль, БНХАУ-ын Хөлөнбуйр аймгийн Шинэхээн болон хил залгаа Закамскийн төлөөллүүд оролцож буй бөгөөд аймгийн ИТХ-ын дарга Д.Эрдэнэбат, Засаг дарга Б.Ариун-Эрдэнэ тэргүүтэй аймгийн удирдлагууд хүндэтгэл үзүүлж, хүлээн авч уулзлаа.
