Энэхүү аян нь энэ оны 06 дугаар сарны 30-ны өдрөөс энэ оны 08 дугаар сарын 18-ны өдрийг хүртэлх хугацаанд улсын хэмжээнд үргэлжилнэ.
“НЭГ ЗАМ-НЭГ СОЁЛ” аяны нээлтэд Аймгийн иргэдийн хурлын ажлын албаны дарга, Ч.Энхбат, Цагдаагийн газрын дарга, цагдаагийн хурандаа Б.Нацагдорж, Дархан-Уул аймгийн “Дардан зам” авто сургуулиудын холбооны тэргүүн Б.Майцэцэг, Монгол улсын гавьяат жүжигчин Ж.Мөнхсайхан болон хамтран ажиллаж буй байгууллагын ажилтан, алба хаагчид оролцсон юм.
Орон нутгийн замд гарч буй зам тээврийн ослын гол шалтгаан нөхцөл нь хурд хэтрүүлэх, гүйцэж түрүүлэх үйлдэл хориглосон нөхцөлд хийх, бүрэн бус тээврийн хэрэгсэлтэй хол замд гарах, жолоочийн нойр дутуу ядарсан, архи согтууруулах ундааны зүйл хэрэглэсэн, жолооч биш хүнд жолоо шилжүүлэх зэрэг шалтгаануудаас үүдэн гардаг тул ЖОЛООЧ та бүхэн замын хөдөлгөөнд дүрмээ баримтлан соёлтой оролцоно уу.
ДАРХАН-УУЛ АЙМГИЙН ЦАГДААГИЙН ГАЗАР
