Төв аймаг байгуулагдсаны түүхт дэлгэр 100 жилийн ойг тохиолдуулан их зохиолч Дашдоржийн Нацагдоржийн нэрэмжит “Миний нутаг” наадам өнөөдөр Зуунмод хотноо боллоо.

Үндэсний уран зохиолын хөгжилд зохиолч, яруу найрагчдын оролцоог хангах, соёлын бүтээлч үйлдвэрлэлийг дэмжиж, яруу найргийн алтан залгамжийг хадгалах замаар авъяас билгээрээ дуу хоолой болон нэгдэж Монголын Утга зохиол, оюуны бүтээлийг түгээн дэлгэрүүлэх зорилготой энэхүү наадмыг Төв аймгийн ИТХ, ЗДТГ-аас санаачлан Төв аймгийн Соёл урлагийн газар, МЗЭ-ийн Яруу наргийн үндэсний төв, Төв аймгийн утга зохиолын нэгдлээс хамтран зохион байгууллаа.

Миний нутаг" яруу найргийн наадмын 2 дугаар шатанд нийт 25 найрагч өрсөлдсөнөөс Тэргүүн байрт Болор цомын эзэн Б.Жамбалдорж, Дэд байрт яруу найрагч Д.Гомбосүрэн, Гутгаар байрт яруу найрагч С.Начин нар тус тус шалгарлаа.