Тус суманд улсын төсвийн хөрөнгөөр 100 хүүхдийн дотуур байр шинээр баригдаж байна. Барилгын ажил өнгөрсөн онд эхэлсэн бөгөөд гүйцэтгэл 30 хувьтай. Нийт 2.8 тэрбум төгрөгийн төсөвт өртөгтэйгээс 800 сая төгрөгийн санхүүжилт хийгдсэн, барилгын ажил хэвийн үргэлжилж байгааг гүйцэтгэгч компанийхан танилцууллаа. Харин сумын удирдлагууд, сургуулийн захиргаа болон мэргэжлийн хүмүүс хамтран 14 хоног тутамд явцын хяналтыг хийж, чанартай барилга бариулахын төлөө ажиллаж байгаа. Учир нь Цэцэн-Уул сум хөрсний цэвдэгтэй учраас өмнө нь барьсан барилгуудад чанаргүй барьсан дутагдал гарч байгаа учраас ийнхүү байнгын хяналт тавихаас өөр аргагүй байдалд хүрснээ хэлж байлаа.
