БНСУ-ын Канвон мужийн Чунчеон хотод зохиогдсон Сон Хён Мин-ий нэрэмжит хөлбөмбөгийн тэмцээний U13 насны ангилалд амжилттай оролцож, тэргүүн байр эзэлсэн хүүхдүүдийг Төв аймгийн ИТХ-ын дарга Ц.Жамбалсүрэн, УИХ-ын гишүүн Н.Энхболдын зөвлөх Д.Бүрэнтогтох, ЗДТГ-ын Нийгмийн бодлогын хэлтсийн дарга Д.Мөнхцэцэг нар хүлээн авч уулзлаа. 

      Төв сайхан нутгийнхаа нэрийг өндөрт өргөж, амжилт гаргасан багш дасгалжуулагч, тамирчдад талархал илэрхийлэн гарын бэлэг гардууллаа. 

     Хүүхдүүддээ сурлага, спортын өндөр амжилт хүсэж, тив дэлхийд нэрээ дуурсгахын ерөөл дэвшүүлье.