Бөхмөрөн сумын Засаг даргын нэрэмжит үндэсний бөхийн халз барилдаан Увс аймгийн Бөхмөрөн, Ховд, Өлгий, Өмнөговь, Улаангом, Баян-Өлгий аймгийн Ногооннуур сумдын начин цолтой болон залуу бөхчүүдээс бүрдсэн 40 гаруй бөхчүүдийн дунд боллоо.
Үзэгчдийг шуугиулсан, уран хурц, хараа гүйцэмгүй хурдан шуурхай барилдаануудыг сум сумаасаа шигшигдэж ирсэн шилдэг бөхчүүд барилдаж, Өмнөговь сумын харъяат сумын начин Б.Ганболд нэг ч унаагүй түрүүлж сумын харцага цолны болзол хангасан бол Бөхмөрөн сумын харъяат өсвөрийн залуу бөх, аймгийн аварга хадланч Гантөмөр агсаны хүү Дөлгөөн урамтай сайхан барилдаж нэг унаатайгаар үзүүрлэж сумын харцага цол хүртлээ.
Бөхмөрөн сумын Засаг даргын нэрэмжит Үндэсний бөхийн тойргийн барилдаанд:
Өмнөговь сумын харъяат залуу бөх Н.Баатарсүрэн, Ногооннуур сумын харъяат залуу бөх Төлеген нар шөвгөрч сумын начин цолны болзол хангасан бол Өлгий сумын харъяат залуу начин М.Майдар урамтай сайхан барилдаан гаргасаар уран барилдаант бөхөөр шалгарлаа.
Багийн нийлбэр дүнгээр Я.Алтанхуяг ахлагчтай Бөхмөрөн сумын баг түрүүлж цом, алтан медаль, 600.000₮-ийн шагнал ,
2-р байранд Б.Ерханат ахлагчтай Ногооннуур сумын баг шалгарч мөнгөн медаль, өргөмжлөл, 400.000₮-ийн шагнал,
3-р байранд Б.Ганболд ахлагчтай Өмнөговь сумын баг шалгарч өргөмжлөл, хүрэл медаль, 300.000₮-ийн шагнал хүртлээ.
Мөн Засаг даргын нэрэмжит өсвөрийн хүүхдийн барилдаан зохион байгуулагдаж, дараахнасны ангилалаар шагналт байранд оржээ.
9 хүртэл насны ангилалд:
Түрүү- Гомбосүрэнгийн Бүрэнтөгс
Үзүүр-Түмэннасангийн Батболд
Шөвөг- Мөнхбаярын Золбаяр
Шөвөг- Эрхэмбаярын Эрдэнэхүү
10-11 насны ангилалд:
Түрүү - Мөнхбаярын Дарханбаяр
Үзүүр- Бат-Очирын Сүхтулга
Шөвөг- Батцэнгэлийн Цэнгүүнжаргал
Шөвөг-Тулгаагийн Хосбаяр
12-13 насны ангилалд:
Түрүү-Мөнхбаярын Сайнбаяр
Үзүүр-Батхүүгийн Эрдэнэчулуун
Шөвөг-Түмэнжаргалын Ариундалай
Шөвөг-Отгонбаярын Мөнхбаяр
14-15 насны ангилалд:
Түрүү - Батцэцэгийн Буяннэмэх
Үзүүр- Адъяагийн Аззаяа
Шөвөг-Баяртайгийн Хишигбаяр
Шөвөг- Алтансүх нарын өсвөрийн бөхчүүд шагналт байранд шалгарлаа.
Түүнчлэн аймгийн Начин Г.Гомбосүрэн багш "Заантын хүчтэн" дэвжээндээ тогтмол бөхийн дугуйлан хичээллүүлж байгааг дуулгахад таатай байна.
