Мөн энэ үеэр Аймгийн засаг дарга Б.Азжаргал баярын бэлэг болгон бүх хүүхдүүдэд Өргөө кино театрт кино үзэх, Соёл амралтын хүрээлэнд тоглох эрхийн бичиг бэлэглэлээ.
“Сос” хотхонд одоогоор 65 хүүхэд амьдардаг бол “Нарны хүүхдүүд” төвд 40 хүүхэд амьдарч байна. Эдгээр хүүхдүүд цэцэрлэг сургуульдаа явахаас гадна асрамжийн төвдөө урлагийн олон төрлийн дугуйланд хамрагддаг байна.
Тус төвүүдийн хүүхдүүдэд Эх үрсийн баярын бэлэг гардуулах үйл ажиллагааг жил бүр уламжлал болгон зохион байгуулдаг билээ. Бэлэг авсан хөөрхөн үрс Аймгийн Засаг даргад өөрсдийн гараар бичсэн талархлын ил захидал бэлэглэлээ.
