2022-2023 оны хичээлийн жилд Дархан-Уул аймгийн ЕБ-ын 12 дугаар ангийг нийт 1172 сурагч төгсөж байна. Төрийн болон хувийн хэвшлийн 24 сургуулиас 84 сурагч 48 улирал дараалан "А" үнэлгээтэй суралцаж, бусдыгаа манлайлжээ.

Хичээл зүтгэл, цаг хугацаагаа эрдэм номдоо зориулан амжилттай сурацсан сурагчдыг жил бүр Хүүхдийн баярын өмнөхөн аймаг орон нутгаас шагнан урамшуулдаг.

Өнөөдөр /2023.05.31/ аймгийн ИТХ-ын дарга С.Насанбат, Засаг дарга Б.Азжаргал, ЗДТГ-ын дарга О.Хүрэлчулуун нар дурсгалын тэмдэг, гарын бэлгийн хамт өгч баяр хүргэн, ЭЕШ-таа амжилттай өгч хүссэн сургуульдаа орохыг хүслээ.

ДҮҮ НАРЫНХАА ЦААШДЫН АМЬДРАЛД АЗЖАРГАЛ, АМЖИЛТ ХҮСЬЕ.