Дархан-Уул аймгийн иргэдийн Төлөөлөгчдийн Хурлын ээлжит 16 дугаар хуралдааныг 2023 оны 5 дугаар сарын 23-ны өдөр хуралдуулахаар шийдвэрлэсэн ба тус хуралдаанаар хэлэлцэх асуудлуудаас Төсөв санхүү, эдийн засгийн хөгжлийн хорооны эрхлэх хүрээний 3 асуудлыг өнөөдөр /2023.05.18/ хэлэлцлээ.
Үүнд “Хөдөлгөөнт тоглоомын төв”-ийн үйл ажиллагааны үнэ тариф тогтоох тухай тогтоол хүчингүй болгох тухай, “Зулзагын гол” хүүхдийн зуслангийн үнэ тариф тогтоох тухай, “Хуримын ордны үйлчилгээний хураамжийг шинэчлэн тогтоох тухай” асуудлыг хэлэлцлээ.
Мөн аймгийн ИТХ-ын даргад Жижиг дунд үйлдвэрлэлийг дэмжих төвөөс ирүүлсэн “Дэмжлэг хүсэх тухай” албан бичгийн хүрээнд тус байгууллагын удирдлагатай уулзалт хийж, нөхцөл байдлыг талаар санал солилцлоо.
Хурлаар хэлэлцсэн асуудлуудаар дүгнэлт гаргаж, аймгийн ИТХ-ын даргад болон Хуралдаанд танилцуулах юм.